Անցած շաբաթը հագեցված էր իրադարձություններով, որոնց մեծ մասն ակնկալելի էր: Խոսքը հատկապես վերաբերում է Թուրքիայի ԱԳՆ ղեկավարի «կռահիր» խաղին` կժամանի, չի ժամանի, թեեւ բոլորին պարզ էր, որ Բարաք Օբամայի հետ Ստամբուլում կայացած հանդիպումից հետո Ալի Բաբաջանը չէր կարող չժամանել Երեւան: Սակայն նրա այցը գրեթե ոչինչ չփոխեց հայ-թուրքական հարաբերություններում: Արեւմտյան մամուլի կողմից ապրիլի 16-ին կանխագուշակվող Հայաստանի եւ Թուրքիայի միջեւ դիվանագիտական հարաբերությունների վերականգնման մասին պայմանագիրը չի ստորագրվել:

Ապրիլի 11-ին Հայ Առաքելական եկեղեցին սկսում է նշել եկեղեցական վեց Տաղավար տոներից մեկը` Սուրբ Զատիկը: Արեւի մայրամուտի հետ մինչ ուշ երեկո ՀԱԵ բոլոր եկեղեցիներում կմատուցվի պատարագ, որը նշանավորում է Մեծ պասի ավարտն ու Հիսուս Քրիստոսի հարությունը: Մահացած եւ հարություն առած աստծո ավանդույթը գալիս դեռեւս հին եգիպտական կրոնից, երբ եգիպտացիները նշում էին Օսիրիս աստծո մահն ու հարությունը: Այժմյան քրիստոնեական Զատիկը իր սկիզբն է առնում Հին կտակարանից: Հին հրեաները նշում էին Զատիկը (Պեսախ) որպես Եգիպտսից հրեաների հեռանալու տոն:

Համաշխարհային ֆինանսական ճգնաժամի ազդեցությունը ընդհանրապես Հայաստանի տնտեսության եւ քաղաքացիների սոցիալական վիճակի վրա արդեն զգալի է, հատկապես, բնակչության զբաղվածության հարցում: Այսօր արդեն աշխատանքի տեղավորման մի շարք առաջատար գործակալություններ արդեն սկսել են ահազանգել. աճող պահանջարկին զուգընթաց աշխատանքային շուկայում նկատվում է առաջարկի գրեթե կրկնակի կրճատում: