Լեռնային Ղարաբաղի հակամարտության` արագորեն փոխվող իրադրության ֆոնի վրա այնպիսի տպավորություն է ստեղծվում, թե հայ-թուրքական բանակցությունները որոշ առումով սառեցվել են կամ զրոյի են հավասարեցվել: Իսկապես, Սմբատյանի եւ Բյուլ-Բյուլ օղլու` ԼՂՀ, Հայաստան եւ Ադրբեջան կատարած պատմական այցից եւ ղարաբաղյան կողմից դրան հաջորդած բավական կտրուկ հայտարարություններից հետո հարաբերությունների կարգավորման եւ սահմանի բացման մասին բոլոր խոսակցությունները կարծես հիմնական հարցի ստվերում մնացին: Այդ թվացյալ անկման գործում ոչ պակաս դեր ունեցավ նաեւ Բարակ Օբամայի այցը Մոսկվա:

Հայաստանում ավարտվող շաբաթվա հիմնական ներքաղաքական իրադարձությունը դարձավ Երեւանի ավագանիների խորհրդի աշխատանքը, ընդդիմության դանդաղընթաց բողոքի ցույցերը, 2008 թվականի մարտի 1-ի իրադարձությունների շուրջ փաստահավաք խմբի ցրումը, ՀՀ խորհրդարանում հարկային օրինագծի եւ «Հազարամյակի մարտահրավերները» ծրագրի կողմից Հայաստանի ֆինանսավորման դադարեցման քքնարկումը: