Ալեքսանդր Գոլդշտեյն. Ադրբեջանը նավթի խոշորագույն առաքիչն է Իսրայել, Իսրայելում շուրջ 100 հազար նախկին ադրբեջանաբնակներ կան

ԵԱՀԿ նոր գործող նախագահը մեկնարկել է իր այցը Հարավային Կովկաս: Ղազախստանի ԱԳ նախարար Կանատ Սաուդաբաեւն իր հիմնական ուշադրությունը, բնականաբար, հատկացնում է Լեռնային Ղարաբաղի հակամարտությանը: Ճիշտ է, իրեն նույնպես, որքան էլ դա ցավալի է, չի հաջողվի որեւէ կերպ լուծել խնդիրը, քանի որ Ղազախստանի ԱԳՆ ղեկավարի վրա կարող է ճնշում գործադրել նաեւ թուրքական գործոնը: Դրա հույսն ունի առնվազն Բաքուն` չհասկանալով կամ ձեւացնելով, թե չի հասկանում, որ ԵԱՀԿ գործող նախագահը պարզապես չի կարող մեկի կամ մյուսի կողմից լինել:

ԱՊՀ Արեւմտյան Եվրոպայի ու Մերձավոր Արեւելքի երկրների շրջանում Հայաստանի տնտեսությունն ամենազգալի կորուստներն է կրել համաշխարհային ճգնաժամից: Այդ մասին են վկայում «Տնտեսություն եւ արժեքներ» հետազոտական կենտրոնի հետազոտությունները: Ըստ կենտրոնի նախագահ Մանուկ Հերգնյանի, ճգնաժամն անդրադարձավ բոլոր երկրների վրա եւ ոչ մի կառավարություն դրան պատրաստ չէր: Իսկ պատճառը գլոբալ անհամաչափությունն էր ֆինանսական եւ իրական հատվածների միջեւ, ինչպես նաեւ անհամաչափությունը ֆինանսական հատվածի ներսում, միջազգային առեւտրում: Ինչ վերաբերում է Հայաստանին, ապա ամենալուրջ անհամաչափությունը տնտեսության ձեւախեղվածությունն էր, մասնավորապես, այն, որ շինարարությունն չափազանց մեծ տեսակարար կշիռ ուներ տնտեսության ոլորտում:

Անցած շաբաթ հայտնի դարձավ, որ համաշխարհային ճանաչում ունեցող ռեժիսոր եւ երաժիշտ Էմիր Կուստուրիցան The No Smoking Orchestra խմբի հետ միասին մարտի 5-ին հանդես կգա Ալեքսանդր Սպենդիարյանի անվ. օպերայի եւ բալետի ազգային ակադեմիական թատրոնում: Եվ եթե այդ նորությունը անակնկալ դարձավ Հայաստանի հասարակության համար, ապա «Deep Purple» լեգենդար ռոք խմբի համերգի մասին, որը տեղի կունենա մայիսի 25-ին Կարեն Դեմիրճյանի անվան մարզահամերգային համալիրում, հայտնի էր դեռ անցած տարվա վերջում: Սակայն համերգի կազմակերպիչները` Vibrographus ընկերությունը եւ «ՀայՌուսգազարդը» հիշեցնում են, որ համերգի տոմսերը կթանկանան փետրվարի 9-ից, ինչը սակայն չի խանգարի հայ հանդիսատեսին հաղորդակից դառնալ համաշխարհային մշակույթին:

Ըստ ՀՀ սփյուռքի նախարարության, ՀՀ սահմաններից դուրս գործում է 75 հայագիտական կենտրոն: Սակայն ոչ բոլոր հայագիտական կենտրոններն են աչքի ընկնում ակտիվ գործունեությամբ: Պատճառը ֆինանսական միջոցների պակասն է, իսկ հայագիտության հիմնական ֆինանսական աղբյուրներն են համահայկական հիմնադրամներն ու կազմակերպությունները: Սակայն նույնիսկ կենտրոնների ոչ այնքան ակտիվ գործունեությունը զգալի արդյունքներ է տալիս հայագիտության զարգացման եւ ազգային ինքնության պահպանման գործում:

Թեեւ 2009 թվականը ճգնաժամային էր Հայաստանի տնտեսության մի շարք ճյուղերի համար, Հայաստանում անցած տարվա հունվար-դեկտեմբեր ամիսներին ստացիոնար հեռախոսակապի եւ բջջային կապի ծառայությունների տրամադրումից ստացված հասույթը (առանց ԱԱՀ-ի, ընթացիկ գներով) կազմել է 164 422 մլն դրամ: Ընդ որում, Հայաստանի Ազգային վիճակագրական ծառայության տվյալների համաձայն, նախորդ տարվա նույն ժամանակահատվածի համեմատ 3.3 անգամ աճել է շահույթը ինտերնետ ծառայությունների մատուցման բնագավառում եւ կազմել 10 404.2 մլն դրամ:

Ներքաղաքական կյանքը մտավ իր բնականոն հունի մեջ, եւ անցած շաբաթը Հայաստանում նշանավորվեց հարեւան երկրների մի շարք բարձրաստիճան հյուրերի այցերով: Երեւան ժամանեցին Իրանի ԱԳՆ ղեկավար Մանուչեհր Մոթթակին, Վրաստանի վարչապետ Նիկա Գիլաուրին եւ Մոսկվայի քաղաքապետ Յուրի Լուժկովը: Շաբաթը նվիրված էր նաեւ Սոչիում կայացած Հայաստանի, Ադրբեջանի ու Ռուսաստանի նախագահների եռակողմ հանդիպման վերաբերյալ քաղաքական ուժերի եւ փորձագետների մեկնաբանություններին: