Ներկայումս արդիական մասնագիտություններից մեկի՝ PR-ի էությունն իրականում շատ ավելի բարդ է, քան մեզ հայտնի մասնագիտական առասպելները։ PanARMENIAN.Net-ին տված հարցազրույցում հանրային կապերի մասնագետ Զարուհի Սարիբեկյանն անդրադարձել է PR-ի և քարոզչության սահմաններին, սադրանքի դերին և այն հարցին, թե ինչու է հաղորդակցության գլխավոր հերոսը շարունակում մնալ մարդը։

Հայաստանում բանկային ոլորտն այսօր գերհագեցած է, այս մրցակցային միջավայրում սակայն Ֆասթ Բանկն առանձնանում է իր ուրույն դիրքավորմամբ և մոտեցումներով։ Ֆասթ Բանկի Խորհրդի աշխատակազմի ղեկավար Գոհար Արշակյանը ներկայացրել է Ֆասթ Բանկի ռազմավարությունը, զարգացման ուղղությունները և այլ գործոնները։

Թումո ստեղծարար տեխնոլոգիաների կենտրոնի կրթական ծրագրի, դրա առավելությունների ու պոպուլյարության մասին բազմիցս է խոսվել։ Սակայն այն, ինչ մնում է ուշադրությունից դուրս, ինժեներների ու ծրագրավորողների աշխատանքն է, ովքեր ոչ միայն զբաղվել ու զբաղվում են ծրագրի մշակմամբ ու սպասարկմամբ, այլև՝ հետագա զարգացմամբ։

14-ամյա Բորիսը մոր ու 4 տարեկան եղբոր հետ հրթիռակոծվող Հադրութից Երևան է եկել ու իր ուսերին վերցրել տան տղամարդու պարտականությունները․ տղան առցանց խանութ է հիմնել ու ապրանքներ է վաճառում։

2018-ին Նյու Յորքի նորաձևության շաբաթվա բացումն անելուց, Սոֆյա ռոբոտին նկարելուց, Netflix-ի հետ պայմանագիր կնքելուց և աշխարհի ամենահայտնի ցուցասրահներում ներկայանալուց առաջ համադրող Աննա Խաչատրյանը սովորել, ապրել ու աշխատել է Երևանում։

Ամերիկյան ServiceTitan ընկերությունն օգնում է կենցաղային սպասարկման ծառայություններ տրամադրող ընկերություններին ավելի արդյունավետ կազմակերպել իրենց աշխատանքը՝ աշխատավարձերի հաշվարկից մինչև գովազդային արշավներից ստացվող արձագանք: Ստարտափի՝ գրեթե մեկ տարի Հայաստանում գործող գրասենյակում աշխատում է մոտիվացված ու ստեղծարար պրոֆեսիոնալների թիմ, որոնցից յուրաքանչյուրը, ինչպես ընկերության ներկայացուցիչներն են պնդում, աչքի է ընկնում տաղանդով ու գիտելիքներով, ունի մեծ հետաքրքրվածություն ու ստեղծագործ միտք: Ավելին, բոլոր 800-ից ավելի աշխատակիցները և՛ ԱՄՆ-ում, և՛ Ռուսաստանում, և՛ Հայաստանում մասնաբաժին ունեն ընկերությունում. հայերեն ասած՝ «փայատեր» են:

Ալբերտո Կրեյնը բրազիլական ջիու-ջիցուի 5-րդ ստիճանի սև գոտի ունի: Կռվել է ԱՄՆ-ի Ultimate Fighting առաջնությունում, King of the Cage և Ring of Fire ակադեմիաների թեթև քաշային կարգում նախկին չեմպիոն է, ունի բազմաթիվ նվաճումներ թե որպես ջիու-ջիցու ու խառը մարտարվեստի մարզիկ, թե որպես մարզիչ: Հունիսի սկզբին Ալբերտո Կրեյնը Հայաստան էր եկել՝ երկիրը տեսնելու և այստեղ բրազիլական ջիու-ջիցու մարզվողների հետ ծանոթանալու համար: PanARMENIAN.Net-ը զրուցել է հայտնի մարտիկի ու մարզչի հետ:

Թուրք իրավապաշտպան ու գիտնական Սայիթ Չեթինօղլուն այն սակավաթիվ խիզախ մտավորականներից է, որը ոչ միայն ճանաչում ու կոչ է անում ճանաչել Հայոց ցեղասպանությունը, այլև մշտապես հանդես է գալիս Ցեղասպանության համար հատուցման բարոյական անհրաժեշտության շեշտադրումով։