Օլիմպիական խաղերում մեդալներ կնվաճեն հոգեբանորեն ուժեղ ծանրորդները

Տարվա սկզբին մեր օրացուցային պլանի համաձայն անցկացրել ենք Հայաստանի առաջնություն, 1-ին և 2-րդ տեղերը գրաված մարզիկները մասնակցել են հավաքների և նրանցից էլ ընտրել ենք 4 լավագույններին: Մարզչական խորհրդով եկել ենք այն եզրակացության, որ մեր լավագույն մարզիկներն են Տիգրան Մարտիրոսյանն ու Առաքել Միրզոյանը (77 կգ), Արա Խաչատրյանը (85 կգ) և Նորայր Վարդանյանը (94 կգ):

Առաքելը հավաքականի հետ որոշ մարզումներ անցկացրել է, բայց Օլիմպիադային պատրաստվում է իր հոր գլխավորությամբ: Ես ներկա եմ լինում Առաքելի մարզումներին, հեռախոսազանգեր եմ ունենում և նրա վերաբերյալ բոլոր տեղեկություններն ունենում եմ:

Ամեն ինչ ընթացել է իր հունով: Մարզիկները 5-6 ամիսների ընթացքում շատ լուրջ մարզումներ են անցկացրել, վերջին հավաքը եղել է Ծաղկաձորում, և հիմնականում աշխատել ենք նրանց արագա-ուժային պատրաստականության վրա: Հուսով եմ, որ ամեն ինչ լավ կլինի, և թիմը լավ մարզավիճակով կմեկնի Լոնդոն:

Նա կցված է մեզ և 5-րդ մարզիկն է թիմում: Վանիկը ևս պետք է լավ մարզավիճակ ունենա, որ անհրաժեշտության դեպքում կարողանա փոխարինել յուրաքանչյուրին:

Անցած Օլիմպիադայի ժամանակ հավաքականի երկրորդ մարզիչն եմ եղել: Շատ մեծ պատասխանատվություն եմ զգում, և պետք է կարողանանք այնպես անել, որ բարձր պահենք մեր երկրի պատիվը:

Տղաները լավ մարզավիճակում են, և հույս ունեմ, որ նրանք իրենց մեդալներով կկարողանան ուրախացնել հայ ժողովրդին, բայց կոնկրետ թիվ կդժվարանամ ասել:

Գոհ կլինեմ, որ տղաները մրցման ժամանակ կարողանան բարձրացնել այն կգ-ները, որոնք բարձրացնում են մարզումների ժամանակ: Ու եթե հաջողվի այդ քաշը գլխավերևում պահել, ես համոզված եմ, որ մեդալներ կլինեն:

Եվրոպայի ու աշխարհի առաջնություններում և Օլիմպիական խաղերում մարզիչները անգնահատելի փորձ են ձեռք բերում: Ամեն անգամ նոր բան ես սովորում, ու անդադար անհրաժեշտ է ավելացնել գիտելիքների պաշարը:

Որոշել էինք, որ այս տարվա Եվրոպայի առաջնությանը մեր ուժեղ ծանրորդները չմասնակցեն և շարունակեն պատրաստվել Օլիմպիադային: Մենք ցանկանում էինք փորձարկել երիտասարդ ծանրորդների, քանի որ անհրաժեշտ է թիմում սերնդափոխություն կատարել: Լոնդոն մեկնող մեր բոլոր ծանրորդներն էլ փորձառու են և գիտեն, թե ինչ է նրանցից պահանջվում:

77-ում շատ ուժեղ են 2 չինացի և մեկ կորեացի մարզիկներ, բայց մեր Տիգրանն ու Առաքեն էլ նրանց չեն զիջում: Եվ այն մարզիկները, որոնք կկարողանան հոգեբանորեն պատրաստ լինել ու օգտագործել բոլոր 6 մոտեցումները, նրանք էլ կդառնան առաջատար:

Լավ մթնոլորտը շատ կարևոր է թիմում, անհրաժեշտ են լավ հարաբերություններ մարզիկների և մարզիչների միջև: Ես պահանջում եմ կարգ ու կանոն և ռեժիմ: Տղաները շատ կարգապահ են ու հստակ գիտեն, ինչ է պահանջվում իրենցից:

Տիգրանը շատ լուրջ մարզիկ է և հիանալի գիտակցում է, թե ինչ խնդիր է դրված իր առջև: Նա լուրջ մարզվում է ու ոչ մի դիտողության կարիք չի զգում: Առաքելը նույնպես համեստ մարզիկ է ու լրջորեն է պատրաստվում: Արան մեր թիմի տարեցն է, շատ համեստ ու կարգապահ մարզիկ է, նրա աշխատանքից ևս գոհ եմ: Նորայրը շատ աշխատասեր է ու նվիրված է իր գործին: Վանիկը հավատ է ներշնչել, այդ պատճառով էլ ես նրան եմ ընդգրկել Օլիմպիական հավաքականում: Ես հույս ունեմ, որ նա կկարողանա լուրջ արդյունքներ գրանցել: