Յուրա Մովսիսյանը կարիերան կարող է շարունակել Անգլիայում25 նոյեմբերի 2015 - 16:35 AMT PanARMENIAN.Net - Մոսկվայի «Սպարտակի» հարձակվող և Հայաստանի ֆուտբոլի հավաքականի անդամ Յուրա Մովսիսյանը կարիերան կարող է շարունակել Անգլիայում: 28-ամյա ֆուտբոլիստը հետաքրքրել է անգլիական Չեմփիոնշիփի մասնակից Լոնդոնի «Քուինզ Փարկ Ռեյնջերս»-ին: Մովսիսյանը մտադիր էր վերադառնալ «Ռեալ Սոլթ Լեյք» ամերիկյան ակումբ, որի կազմում հանդես էլ գալիս մինչև Եվրոպա տեղափոխվելը, սակայն առավել հեռանկարային տարբերակ ի հայտ եկավ Անգլիայի հետ կապված: Ըստ անգլիական մամուլի, «Քուինզ Փարկ Ռեյնջերս»-ի ղեկավարությունը Մովսիսյանին տեսնում է Չարլի Օսթինի փոխարինողի դերում, որը ձմռանը, հավանաբար, կհեռանա թիմից: Յուրա Մովսիսյանը մշտապես մասնակցում է Հայաստանի հավաքականի խաղերին, ուստի խնդիրներ չի ունենա բրիտանական աշխատանքային մուտքի արտոնագիր ստանալու հարցում, գրում է Vesti.ru-ն: «Քուինզ Փարկ Ռեյնջերս»-ը կարող է Մովսիսյանի համար 2,5 մլն եվրո վճարել «Սպարտակին»: Ժամանակին «Սպարտակը» 2 միլիոն էր վճարել «Կրասնոդարին» Մովսիսյանի համար: Այժմ «Քուինզ Փարկ Ռեյնջերս»-ը 15-րդն է անգլիական Չեմփիոնշիփում: Նոյեմբերի 14-ին հայտնի է դարձել, որ Հայաստանի ֆուտբոլի հավաքականի և մոսկովյան «Սպարտակի» հարձակվող Յուրա Մովսիսյանը կարող է տեղափոխվել ամերիկյան «Ռեալ Սոլթ Լեյք»: «Սպարտակը», հայտարարել է, որ Մովսիսյանը կհեռանա ակումբից ձմեռային տրանսֆերային պատուհանի ընթացքում: Մովսիսյանը խաղացել է «Ռեալ Սոլթ Լեյք»-ում 2007-2009 թթ.: «Սպարտակի» հետ Մովսիսյանի գործող պայմանագրի ժամկետը սպառվում է 2017-ի ամռանը: Այս խաղաշրջանում նա 10 խաղի է մասնակցել և դարձել է 3 գոլի հեղինակ: Հղումներ թեմայով. Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |