Իրանի մրցաշար. Հովհաննես Գաբուզյանը հաղթել է ադրբեջանցի գրոսմայստերին 5 փետրվարի 2016 - 12:20 AMT PanARMENIAN.Net - Հայաստանի շախմատիստներ Հովհաննես Գաբուզյանը և Կարեն Հ. Գրիգորյանը շարունակում են պայքարել Իրանի Մեշհեդ քաղաքում ընթացող միջազգային մրցաշարի մեդալների համար: Փետրվարւ 4-ին կայացած նախավերջին տուրում մեր երկու պատվիրակները հաղթանակ տարան: Հովհաննես Գաբուզյանը սևերով առավելության է հասել ադրբեջանցի գրոսմայստեր Վուգար Ռասուլովի նկատմամբ, իսկ Կարեն Հ. Գրիգորյանը նույն խաղաքարերով պարտության է մատնել իրանցի միջազգային վարպետ Մասուդ Մոսադեղպուրին: Ութ տուրից հետո մեր շախմատիստները վաստակել են 6,5-ական միավոր և բաժանում են 3-6-րդ տեղերը: Նրանք ընդամենը կես բալով են ետ մնում մրցաշարի երկու առաջատարից՝ Պավել Մալետինից և Մաքսիմ Չիգարևից, գրում է «Ա1+»-ը: Փետրվարի 5-ին կայանալիք վերջին տուրում Հովհաննես Գաբուզյանը սպիտակներով կմրցի ադրբեջանցի մեկ այլ գրոսմայստեր Գադիր Գուսեյնովի հետ, իսկ Կարեն Հ. Գրիգորյանը նույն խաղաքարերով ուժերը կչափի վրացի Մերաբ Գագունաշվիլիի հետ: Հովհաննես Գաբուզյանը (ծնվ.` 1995, մայիսի 19), հայ շախմատիստ, գրոսմայստեր է (2012)։ Հայաստանը բազմիցս ներկայացրել է տարբեր տարիքային խմբերի աշխարհի ու Եվրոպայի առաջնություններում՝ նվաճելով չորս արծաթե մեդալ:Երկու անգամ Հայաստանի հավաքականի կազմում մասնակցել է մինչև 16 տարեկանների համաշխարհային օլիմպիադաներին՝ նվաճելով չորս մեդալ: Գրոսմայստեր դառնալու համար անհրաժեշտ նորմերը լրացրել է 2012-ին Պլովդիվում կայացած Եվրոպայի առաջնությունում և Ալբենայում։ 2014-ին հաղթող է դարձել Վառնայում կայացած բաց մրցաշարում։ 2014-ին դարձել է Հայաստանի արագ շախմատի չեմպիոն[3]։ Անհատական վարկանիշի առավելագույն ցուցանիշին հասել է 2014 թվականի հուլիսին (2582)՝ Հայաստանի շախմատիստների մեջ զբաղեցնելով 11-րդ տեղը։ Կարեն Հակոբի Գրիգորյանը (ծնվ.` 1995, փետրվարի 25, Երևան), հայ շախմատիստ, գրոսմայստեր է (2013): Հայաստանի 2015-ի չեմպիոն, Հայաստանի հավաքականի կազմում Եվրոպայի թիմային առաջնության փոխչեմպիոն (2015)։ 2014-ի Կարեն Ասրյանի 7-րդ հուշամրցաշարի հաղթող: Եվրոպայի պատանեկան առաջնությունների եռակի մրցանակակիր է. -արծաթե մեդալ` 2010, Բաթում, Վրաստան, մինչև 16 տարեկաններ -բրոնզե մեդալ` 2007, Շիբենիկ, Խորվաթիա, մինչև 12 տարեկաններ -բրոնզե մեդալ` 2008, Հերցեգ Նովի, Չեռնոգորիա, մինչև 14 տարեկաններ Մինչև 16 տարեկանների օլիմպիադաների քառակի մեդալակիր: 2014-ին Լեհաստանի Կատովիցե քաղաքում դարձել է ուսանողների աշխարհի փոխչեմպիոն: 2015-ի նոյեմբերին հասել է իր անհատական վարկանիշի գագաթնակետին` 2616։ Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |