Հայաստանի կանանց և տղամարդկանց շախմատի առաջնության հաղթողները հայտնի են

PanARMENIAN.Net - Հունվարի 20-ին ավարտվել են Հայաստանի կանանց և տղամարդկանց շախմատի առաջնությունները։

Տղամարդկանց առաջնությունում կար 5 առաջատար։ Նրանցից Հայկ Մարտիրոսյանն ու Տիգրան Պետրոսյանը խաղացել են ոչ ոքի, իսկ Արման Փաշիկյանն ու Զավեն Անդրիասյանը պարտվել են:

Վերջինիս նկատմամբ հաղթանակ է տարել Հովհաննես Գաբուզյանը և դարձել 2017 թվականի Հայաստանի չեմպիոնը։

Տիգրան Պետրոսյանը 5 միավորով դարձել է փոխչեմպիոն, իսկ Հայկ Մարտիրոսյանը նույնքան միավորով եզրափակել է լավագույն եռյակը։ Արման Փաշիկյանը, Սամվել Տեր-Սահակյանն ու Զավեն Անդրիասյանը 4․5 միավորով կիսել են 4-6-րդ տեղերը, իսկ Ռոբերտ Հովհաննիսյանը, Կարեն Գրիգորյանը, Տիգրան Հարությունյանն ու Մանուէլ Պետրոսյանը 4 միավորով՝ 7-10-րդ տեղերը։

Կանանց մրցաշարում առաջատար Սիրանուշ Ղուկասյանը պարտվել է Աննա Հայրապետյանին, իսկ Մարիա Գևորգյանը հաղթել է Նարե Առաքելյանին։ Նրանք իրենց ակտիվում գրանցել են 6․5-ական միավոր, իսկ լրացուցիչ ցուցանիշներով չեմպիոն է դարձել Մարիա Գևորգյանը՝ պահպանելով իր տիտղոսը։ Սիրանուշ Ղուկասյանը դարփել է արծաթե մեդալակիր, իսկ Սուսաննա Գաբոյանը 6 միավորով եզրափակել է լավագույն եռյակը, գրում է Armchess.am-ը։

2016-ին ՀՀ տղամարդկանց շախմատի չեմպիոն էր դարձել Զավեն Անդրեասյանը, կանանց չեմպիոն՝ Մարիա Գևորգյանը: