// IP Marketing video - START// IP Marketing video - END

Վիկ Դարչինյանը Հայաստանում պրոմոութերական ընկերություն կբացի

Վիկ Դարչինյանը Հայաստանում պրոմոութերական ընկերություն կբացի

PanARMENIAN.Net - Պրոֆեսիոնալ բռնցքամարտիկ, տարբեր տիտղոսների դափնեկիր, աշխարհի նախկին բացարձակ չեմպիոն Վախթանգ Դարչինյանը Հայաստանում պրոմոութերական ընկերություն կբացի:

«Հայաստանում լավ մարզիկներ կան, որոնք կարող են հաջողությունների հասնել, սակայն նրանց չի խանգարի փորձ ձեռք բերել, օրինակ ԱՄՆ-ում մրցումների ու սպարինգների ժամանակ մեքսիկացի մարտիկների հետ: Բացելով այս ընկերությունը`ես նման հնարավորություն կտամ նրանց», - ասել է Դարչինյանը, հայտնում է «Նովոստի Արմենիան»։

Նա նշել է նաև, որ այն բռնցքամարտիկները, որոնց նա կընտրի, ավելի հեշտ պրոֆեսիոնալ ռինգում հանդես գալու հնարավորություն կստանան: Դարչինյանը հավելել է, որ նրանց մրցումները կարող է լուսաբանել ամերիկյան հեռուստատեսությունը:

«Ամերիկյան հեռուստաընկերությունների կողմից լուսաբանելու մրցակցությունը չափազանց մեծ է: Պետք է առնավազն 20 հանդիպում անցկացնել, որպեսզի քեզ նկատեն: Իսկ ես կօգնեմ մեր մարզիկներին նման հնարավորություն ստանալ իրենց պրոֆեսիոնալ կարիերայի ամենասկզբում», - ասել է Դարչինյանը:

Վիկ Դարչինյանը աշխարհի բազմակի չեմպիոն է IBF, WBA, WBC և IBO վարկածներով, աշխարհի բացարձակ չեմպիոն է գերթեթև քաշային կարգում IBF, WBA և WBC վարկածներով։

Ընթերցեք նաև.Դարչինյանը պատրաստ է մենամարտել միայն չեմպիոնական գոտու համար

 Ուշագրավ
Մխիթարյանը հուսով է, որ «Արսենալը» կվերադառնա Չեմպիոնների լիգա
Հայ ֆուտբոլիստի օգտին է քվեարկել երկրպագուների 61 տոկոսը
Իր հերթին «Արսենալի» գլխավոր մարզիչ Ունաի Էմերին հույս է հայտնել, որ Մխիթարյանը կկարողան մասնակցել ադրբեջանական ակումբի հետ խաղին
Կարուանան, Կարլսենն ու Արոնյանը հավաքել են 5,5-ական միավոր