// IP Marketing video - START// IP Marketing video - END

Մխիթարյան. Անչափ շնորհակալ եմ երկրպագուներին

Մխիթարյան. Անչափ շնորհակալ եմ երկրպագուներին

PanARMENIAN.Net - Հայաստանի ազգային հավաքականի և Լոնդոնի «Արսենալի» կիսապաշտպան Հենրիխ Մխիթարյանը շնորհակալություն է հայտնել երկրպագուներին Ջիբրալթարի հանդեպ Հայաստանի ջախջախիչ հաղթակից հետո: Նա գրառում է արել իր ֆեյսբուքյան էջում:

Ազգերի լիգայի խաղարկության խմբային փուլի Ջիբրալթար-Հայաստան հանդիպումն ավարտվել է Հայաստանի հաղթանակով՝ 6։2 հաշվով:

«Անցած գիշեր մեծ հաղթանակ էր Հայաստանի ֆուտբոլի համար։ Հիմա մոտենում ենք վերջին խաղին Լիխտենշտեյնի հետ։ Անչափ շնորհակալ եմ 12-րդ անդամին՝ երկրպագուներին»,- ասվում է Հենրիխ Մխիթարյանի գրառման մեջ։

Ջիբրալթարի հետ խաղի ընթացքում 6 գոլից 4-ի հեղինակ է դարձել Յուրա Մովսիսյանը: Նման արդյունք առաջին անգամ է գրանցվում Հայաստանի հավաքականի պատմության մեջ: Հայաստանի հավաքականից գոլերի հեղինակ են դարձել նաև Արթուր Քարտաշյանը և Ալեքսանդր Կարապետյանը։ Սա նրանց նորամուտն էր հավաքականում:

Խմբային փուլի վերջին տուրի Լիխտենշտեյն-Հայաստան հանդիպումը կկայանա նոյեմբերի 19-ին:

 Ուշագրավ
Արոնյանը 36 հնարավորից վաստակել է 22 միավոր
5-րդ տուրում Արոնյանը հաղթել է աշխարհի չեմպիոն, նորվեգացի Մագնուս Կարլսենին
Կարեն Խաչանովը կամային հաղթանակ է տարել Կանադայի ներկայացուցիչ Ֆելիքս Օժե-Ալյասիմի նկատմամբ
71 կգ քաշային կարգում Մենուա Յարիբեկյանն էլ դարձել է բրոնզե մեդալակիր