«Մանչեսթեր Սիթին» 2 տարի չի մասնակցի եվրագավաթներին

«Մանչեսթեր Սիթին» 2 տարի չի մասնակցի եվրագավաթներին

PanARMENIAN.Net - ՈւԵՖԱ-ն պատժել է անգլիական «Մանչեսթեր Սիթի» ֆուտբոլային ակումբին՝ ֆինանսական արդար խաղի կանոնների խախտման պատճառով, թիմը հաջորդ 2 մրցաշրջանում չի մասնակցի եվրոպական լիգաներին, փոխանցում է ՌԲԿ-ն:

Բացի դրանից` նշանակվել է €30 մլն տուգանք:

«Ապացույցների ուսումնասիրությունից հետո պարզվել է, որ «Մանչեսթեր Սիթին» խախտել է ՈւԵՖԱ-ի լիցենզավորման և արդար խաղի կանոնները՝ բարձրացնելով հովանավորչական եկամուտները՝ 2012-2016-ի հաշվետվություններում»,- ասվում է ՈւԵՖԱ-ի արբիտրաժային պալատի տարածած հայտարարության մեջ:

Թիմը կարող է համաձայնել պատժին կամ բողոքարկել որոշումը Սպորտային արբիտրաժային դատարանում (CAS):

Ակումբն արձագանքել է ՈւԵՖԱ-ի որոշմանը՝ նշելով, որ հիասթափված են, բայց զարմացած չեն:

«Քաղաքաբնակները» հայտնել են, թե տուգանքների որոշումը կայացվել է մինչև հետաքննության սկիզբը, չնայած դրան, ակումբն այդ ընթացքում չի կասկածել ընդունվելիք վերջնական որոշմանը: Այժմ, ակումբից հայտարարել են, որ առաջին իսկ հնարավորության դեպքում դատական գործընթաց կսկսեն Սպորտային արբիտրաժային դատարանում:

«Մանչեսթեր Սիթին» Անգլիայի վեցակի չեմպիոն է: 4 տիտղոս թիմը նվաճել է Abu Dhabi United Group ընկերության՝ ակումբի սեփականատեր դառնալուց հետո: Ընկերության տրամադրած ֆինանսական միջոցներով թիմն այս տարիներին ձեռք է բերել բարձրակարգ խաղացողների ու ամրապնդել իր կազմը:

 Ուշագրավ
Մարտիրոսյանը հանդես է գալիս 109 կգ քաշային կարգում
Հայաստանի ազգային հավաքականի ավագ Հենրիխ Մխիթարյանի՝ 2016-ին խփած «կարիճ» գոլը ներառվել է տասնամյակի ֆուտբոլի պատմության ամենահիշարժան իրադարձությունների ցանկում
Սիմոն Մարտիրոսյանը 2020 թվականի հունվարին կարող է ստանալ օլիմպիական ոսկե մեդալը
Մելիքբեկյանի օգտին քվեարկել է 13 հոգի, մյուս թեկնածուի՝ Թովմաս Գրիգորյանի օգտին քվեարկել է 7 հոգի, 3 քվեաթերթիկ համարվել է անվավեր: