90-ական թվականների կեսերին հանրապետությունում դիտվում էր կյանքի միջին տեւողության անկում, սակայն, սկսած 1999 թվականից նկատվում է հակառակ գործընթաց:

Կուսակցությունը գրանցվել է մեկուկես ամիս առաջ: Նրա հիմնադիրներն են Ժողովրդական կուսակցության նախկին ղեկավարները, որոնք լքեցին կուսակցության շարքերը նրա այժմյան ղեկավար Ստեփան Դեմիրճյանի հետ տարաձայնությունների պատճառով:

Ավելի ուշ Հայաստանի ու Ադրբեջանի նախագահներին կմիանա Ռուսաստանի ղեկավար Վլադիմիր Պուտինը:

Երեկ կայացած մամլո ասուլիսում Հայաստանի արտաքին գործերի նախարար Վարդան Օսկանյանը ընդգծել է, որ Հայստանի ղեկավարությունը ողջունում է Հեյդար Ալիեւի հայտարարությունը հաջորդ տարվա ընթացքում ղարաբաղյան հակամարտությունը խաղաղ ճանապարհով կարգավորելու մասին:

ԼՂՀ բնակչության բնական աճը նշված ժամանակահատվածում կազմել է 937 մարդ, ինչը 27,3 տոկոսով գերազանցում է անցյալ տարվա համապատասխան ցուցանիշը:

Մեկնաբանելով հայաստանյան որոշ քաղաքական գործիչների հայտարարությունները այդ բանակցությունների անիմաստ լինելու վերաբերյալ` Գուլիեւը գնահատել է դրանք որպես «չափազանց սխալ դիրքորոշում»:

Ադրբեջանի միլի մեջլիսի պատգամավոր Հասիմ Մոլազացեն, որը ներկայացնում է այդ երկրի խորհրդարանը ԵԽԽՎ-ում, Բաքվի թերթերից մեկին տրված հարցազրույցում հայտարարել է, որ Ամերիկայի հիմնական հայկական լոբբիստական կառույցներում նախանշվող տարաձայնությունները ձեռնտու են Ադրբեջանի համար:

Անդրադառնալով դեկտեմբերի 3-ից 4-ը կայանալիք ԱՊՀ երկրների ԱԳՆ ղեկավարների նիստին` Գուլիեւը ասել է, որ չի սպասում որեւէ արմատական փոփոխություններ ղարաբաղյան հակամարտության կարգավորման հարցում:

Ադրբեջանի նկատմամբ կիրառվող Միացյալ նահանգների տնտեսական պատժամիջոցները կմեղմացվեն: Այս առթիվ Բաքվում հաղթանակ են տոնում: Սակայն տեղի՞ն է արդյոք խոսել հաղթանակի մասին, եթե «Ազատության աջակցության ակտի» 907-րդ ուղղմանն ընդդիմացող կողմը բոլորովին էլ Ադրբեջանը չէր:
Ակնհայտ է, որ հայկական լոբբինգի ներկայացուցիչները եւ նրանց հետ համագործակցող կոնգրեսականները ստիպված եղան զիջումների գնալ ո'չ թե Բաքվի, այլ սեպտեմբերի 11-ից հետո աշխարհում ընթացող գլոբալ քաղաքական գործընթացների ազդեցության տակ: Ադրբեջանը 9 տարի պայքարեց պատժամիջոցի վերացման համար եւ, փաստորեն, արդյունքի չհասավ: Իրավիճակը բեկվեց միայն այն ժամանակ, երբ 907-րդ ուղղումը սկսեց խանգարել նրանց, ում հանձնարարված էր հստակեցնել Ամերիկայի շահերը: