Հայաստանի արատքին գործերի նախարարության մամլո քարտուղար Ձյունիկ Աղաջանյանը հերքել է որոշ ադրբեջանական եւ ռուսաստանյան ԶԼՄ-ների տարածած հաղորդագրությունը այն մասին, թե, իբր, օրերս Սթրասբուրգում կայացած բանակցությունների արդյունքում արտաքին քաղաքականության ոլորտի ղեկավար Վարդան Օսկանյանը հայտարարել է` Ադրբեջանին դաշտային Ղրարաբաղի չորս շրջանները հանձնելու հայկական կողմի պատրաստակամության մասին:

Ինչպես հաղորդել են Իրանի դեսպանատան մամլո ծառայությունում, թուրքական թերթի հրապարակումը այն մասին, թե, իբր, Իրանի հատուկ ծառայությունները համաձայնել են աջակցել քրդերին Լաչինի տարածքում Քրդական հանրապետության ստեղծման գործում, հարյուր տոկոսանոց սուտ է:

Հաղորդվում է, որ դրա փոխարեն պաշտոնական Երեւանը ակնկալում է հասնել Նախիջեւանի վրայով երկաթուղային երթեւեկության ապաշրջափակմանը:

Ընդունված փաստաթղթում ասվում է նաեւ, որ Ադրբեջանը պետք է ընդունի ԵԱՀԿ Մինսկի խմբի առաջարկը:

Ադրբեջանի ազգային անվտանգության նախարարությունը ուսումնասիրում է Հայաստան թառափի եւ սեւ խավիարի առաքումներին, ձկնեղենի դելիկատեսների վերամշակման եւ արտահանման մենաշնորհ ունեցող,«Կասպիան ֆիշ Ազերբայջան» ընկերության առնչության հարցը:

ԱՄՆ կոնգրեսի հայկական խմբի համանախագահներ Ֆրենկ Փալլոունը եւ Ջո Քնոլենբերգը դիմել են նախագահ Ջորջ Բուշին` կոչ անելով ներկայացնել օրենսդիրներին Ադրբեջանին վարչակազմի կողմից տրամադրվող, ռազմական օգնության մանրամասն ծրագիրը:

Ադրբեջանական ԶԼՄ-ների մտահոգությունն է հարուցել, մասնավորապես, Ստեփանակերտում Իրանի գործարարների կողմից հիմնված, գազամուղների, ջրատարների եւ ոռոգման համակարգերի շինարարության ժամանակ կիրառվող, պոլիէթիլենային խողովակների արտադրության մասին տեղեկությունները:

Ախալքալաքի քաղաքային ժողովի ընտրություններում նախնական տվյալների համաձայն պարտություն կրած` թեկնածուի ներկայացուցիչները հանդես են եկել մեղադրանքներով շրջանային ընտրական հանձնաժողովի հասցեին, որը, իրենց կարծիքով, կեղծիքներ է թույլ տվել:

ԱՄՆ-ում Հայաստանի դեսպան Արման Կիրակոսյանը մասնակցել է Արիզոնա նահանգի Ֆինիքս քաղաքի համալսարանում հայոց լեզվի ուսումնասիրության ծրագրի բացման շնորհահանդեսին:

Բաքվում սկսվել է «Հիզբութ-Թահրիր» միջազգային ահաբեկչական կազմակերպության ադրբեջանական թեւի անդամների գործով դատավարությունը: Հիշեցնենք, որ Ադրբեջանի վեց քաղաքացիներ մեղադրվում են իշխանությունը բռնի ոժով զավթելու փորձի եւ հրազենի կիրառմամբ ահաբեկչական գործողություններ նախապատրաստելու մեջ: Ինչպես հաղորդում է Բաքվի «Թուրան» լրատվական գործակալությունը նրանց մասնավորապես մեղադրում են Բաքվում ԱՄՆ դեսպանատան եւ միջազգային կազմակերպությունների ներկայացուցիչների դեմ ահաբեկչական գործողություններ կազմակերպելու մեջ: Հետաքննության արդյունքների համաձայն խմբավորման անդամները, որի կենտրոնը գտնվում է Պաղեստինում, կրոնական քարոզչության քողի տակ նպատակադրվել էին հասնել Ադրբեջանի ներկա պետական կարգի փոփոխմանը եւ ստեղծել իսլամական պետություն: