Եթե դիվանագիտական ջանքերը դրական արդյունքներ չտան ղարաբաղյան հակամարտության կարգավորման հարցում, Ադրբեջանի զինված ուժերը ցանկացած րոպեին պատրաստ են կատարել գլխավոր հրամանատարի հրամանը, հայտարարել է երկրի պաշտպանության նախարար Սաֆար Աբիեւը:

Օսկանյանը նշել է, որ անցյալ տարվա ընթացքում պաշտոնական Անկարայի դիրքորոշումը հարավկովկասյան տարածաշրջանում ընթացող գործընթացների վերաբերյալ զգալի փոփոխություններ է կրել:

Վրաստանում ավարտին է մոտենում տեղական ինքնակառավարման մարմինների ձեւավորման գործընթացը: Մայիսին տեղի ունեցած տեղական ինքնակառավարման ընտրությունները հատկանշվեցին բավականին տարօրինակ մի առանձնահատկությամբ` նախընտրական պայքարում ընտրական արշավի առաջնորդների դեմ օգտագործվող զենքը դարձան հայկական ծագումնաբանության մեղադրանքները: Ինչպես եւ սպասվում էր, ընտրություններում հաջողության հասան երկու արմատական օպոզիցիոն ուժեր` «Ժողովրդական շարժում- Ժողովրդավարական ֆրոնտ», որը ղեկավարում է Արդարադատության նախկին նախարար Միխայիլ Սահակաշվիլին, եւ խորհրդարանի նախկին խոսնակ Զուրաբ Ժվանիի թիմը, որն ընտրություններին մասնակցում էր պահպանողական կուսակցության դրոշի ներքո: Այս երկու անձերին միավորում է ոչ միայն Էդուարդ Շեւերդնաձեի անձի չընդունելը, այլեւ` ծագումը. եթե հավատանք թբիլիսյան ԶԼՄ-ներին, նրանք երկուսն էլ ունեն հայկական արմատներ: