Սուլեյման Դեմիրելի խոսքերով` այդ երկրները պետք է օգնեն Հայաստանի եւ Ադրբեջանի կառավարություններին գտնել խնդրի կարգավորման փոխզիջումային տարբերակ:

Հայաստան կատարած իր վերջին ուղեւորության ընթացքում Թաշջյանը շուրջ 200 եվրո է վճարել գերմանական համակենտրոնացման ճամբարների նախկին կալանավորներին:

Փաստաթուղթը կստորգրվի Իրանի գիտության, հետազոտությունների եւ տեխնոլոգիաների նախարար Մուսթաֆա Մոինի գլխավորած պատիվիրակության մայիսի 5-ին Երեւան կատարելիք այցի ընթացքում:

«Խորհրդարանական արդար ընտրությունների անցկացման համար» Հայաստանի ընդդիմադիր ուժերն առաջարկում են տպել պաշտպանիչ նշաններով ընտրական քվեաթերթիկներ, ընդ որում` արտասահմանում:

Ինչպես գրում է «Լոս Անջելես թայմզ» թերթը, ֆիլմի ռեժիսոր տնօրեն Մայքլ Հակոբյանն իր ֆիլմում օգտագործել է Հայոց ցեղասպանության մասին վկայող գերմանական փաստաթղթեր ու նամակներ, ինչպես նաեւ հարցազրույցներ Հայոց ցեղասպանության ականատեսների եւ այդ արհավիրքից փրկվածների հետ:

Ադրբեջանի նախագահի աշխատակազմի արտաքին կապերի բաժնի վարիչ Նովրուզ Մամեդովի խոսքերով` «Ադրբեջանն այդ խնդիրը լուծում է երկկողմ եւ բազմակողմ հարաբերությունների միջոցով, ինչպես նաեւ միջազգային կազմակերպությունների հետ համագործակցելու ճանապարհով»:

Հայերի Ցեղասպանության 88-րդ տարելիցի օրը վրացական խորհրդարանում ադրբեջանցիները դրսեւորեցին խուլիգանական պահվածք, որը նպատակ ուներ վիրավորել օսմանական բարբարոսների կողմից կոտորված մեկ ու կես միլիոն անմեղ զոհերի հիշատակը: Ապրիլի 24-ի առավոտյան նիստին Ախալքալաքի հայ համայնքը ներկայացնող պատգամավոր Համլետ Մովսիսյանը գործընկերներին կոչ արեց հարգել պատմության մեջ առաջին Ցեղասպանության զոհերի հիշատակը: Ի պատասխան հայ խորհրդարանականի կոչի, հինգ ադրբեջանցի-օրենսդիրներ հարձակվեցին Մովսիսյանի վրա` վիրավորելով նրան անպատիվ խոսքերով եւ ողջ հայությանն ուղղված սպառնալիքներով: Խուլիգանական պահվածքը զուգակցվեց կենտրոնական բարձրախոսի գրավմամբ, որի արդյունքում նիստն ընդհատվեց: