ԵԱՀԿ առաքելությունը այսօր անցկացրել է Լեռնային Ղարաբաղի եւ Ադրբեջանի զինված ուժերի շփման գծի հերթական դիտարկումը, որը ղարաբաղյան կողմից Մարդակերտի տեղամասում անցկացնում էր ԵԱՀԿ Գործող նախագահի անձնական ներկայացուցիչ Անջեյ Կասպշիկը:

Կալանավորները հանդիպում են պահանջում ԵԱՀԿ երեւանյան գրասենյակի ներկայացուցիչների հետ:

Ռոբերտ Քոչարյանը շնորհավորական ուղերձ է հղել Իրանի հոգեւոր առաջնորդ այաթթոլա Ալի Խամենեիին եւ երկրի նախագահ Մոհամմադ Խաթամիին` Իսլամական հեղափոխության 25-րդ տարեդարձի կապակցությամբ:

«The Wall Street Journal» ամերիկյան թերթի վերլուծաբանները եւ «Heritage Foundation» ուսումնասիրական կենտրոնի փորձագետները կազմել են աշխարհի տարբեր երկրների տնտեսկան ազատության մակարդակն արտացոլող վարկանիշը: Հայաստանը ներառված է այն 50 պետությունների շարքում, որտեղ բավականաչափ ազատ տնտեսական հարաբերություններ են: Հայաստանի զբաղեցրած 44-րդ տեղը լիովին պատվավոր կարելի է համարել, եթե նկատի ունենանք այն հանգամանքը, որ նույն տեղում է նաեւ Ֆրանսիան: Նկատենք, որ անցյալ տարվա վարկանշային ցուցակում Հյասատնաը նույնպես զբաղեցնում էր 44-րդ տեղը: Միեւնույն ժամանակ ԱՊՀ շատ երկրների տնտեսության ազատության գործակիցը զգալիորեն նվազել է: Սա մասնավորապես վերաբերում է Ադրբեջանին, որի դիրքը ետ է մղվել: