Հասարակածային Գվինեայի իշխանությունները մուտքի վիզաներ են տրամադրել Հայաստանի պատվիրակությանը, որը մտադիր է մեկնել այդ երկրի մայրաքաղաք Մալաբո` այնտեղ ձերբակալված հայ օդաչուների հետագա ճակատագրի վերաբերյալ բանակցելու նպատակով:

Միջազգային մամուլը շարունակում է քննարկել շաբաթ օրը Կիպրոսում անցկացված հանրաքվեի արդյունքները եւ կանխատեսել իրադարձությունների հնարավոր զարգացումները: Առավել տարածված տարբերակներից մեկը ինքնակոչ Հյուսիսային Կիպրոսի Թուրքական Հանրապետության հետզհետե ճանաչումն է: Իսկ Հյուսիսային Կիպրոսի անկախությունը ճանաչող պետություններից մեկն, իհարկե, Ադրբեջանն է: