Հայաստանում բնակվող մի քանի հարյուր նախկին խորհրդային ռազմագերիները մտադիր են կոլեկտիվ հայց ներկայացնել ԳԴՀ Գերագույն վարչական դատարան` պահանջելով իրենց վրա տարածել փոխհատուցումների վճարումը` ֆաշիստական Գերմանիայի նախկին գերիների ստրկական աշխատանքի համար:

Վարշավայում կայացած Հայաստանի եւ Ադրբեջանի նախագահների հանդիպումը այդ երկու երկրներում քննարկվող գլխավոր թեմաներից մեկն է: բարձր մակարդակի կապերի վերահաստատումը նոր հույսեր են ծնում հակամարտության քաղաքական կարգավորման հնարավորության համար: Լեհաստանի մայրաքաղաքում հնչած հայտարարությունները զգուշավոր լավատեսության հիմք են տալիս, սակայն, անշուշտ դեռեւս վաղ է խոսել երկխոսության առաջընթացի մասին: