Ղարաբաղյան հակամարտության բանակցություններում Ադրբեջանի նախագահի հատուկ ներկայացուցիչ, արտաքին գործերի փոխնախարար Արազ Ազիմովը Բաքվում կայացած մամլո ասուլիսում տեղեկացրեց արտաքին գերատեսչությունների ղեկավարներ Վարդան Օսկանյանի եւ Էլմար Մամեդյարովի փարիզյան հանդիպման որոշ մանրամասների մասին: Սակայն միայն մեկ թեմայի շեշտադրումը եւ մնացածի մասին չխոսելու համառ ցանկությունը թույլ են տալիս ենթադրել, որ կամ պարոն Ազիմովը շարադրում է ճշմարտության անկարեւոր մասը միայն, կամ էլ պարզապես ցանկալին իրականության տեղ է ներկայացնում: