«Պետք է առավել մանրակրկիտ կերպով հետեւել Ադրբեջանի դիրքրոշումներին եւ փաստարկներին, բացահայտել եւ ցույց տալ, թե ինչը եւ ինչու է այնտեղ անընդունելի կամ չի անցնի»,-գտնում է Վլադիմիր Կազիմիրովը

Երկար տարիների ընթացքում առաջին անգամ ԵԱՀԿ Մինսկի խմբի համանախագահներն առիթ տվեցին կասկածելու նրանց մոտեցումների միասնականության մեջ: Ռուս համանախագահ Յուրի Մերզլյակովը երեքշաբթի օրը հարցազրույց է տվել «Թրենդ» ադրբեջանական տեղեկատվական գործակալությանը, որի ժամանակ, ըստ էության, հերքել է իր ամերիկացի գործընկերոջ հայտարարությունները: Սկզբունքային հարցերի նկատմամբ մոտեցումները` Յուրի Մերզլյակովի եւ Մեթյու Բրայզայի մեկնաբանությամբ, միանգամայն հակադիր տեսք ունեն: Ընդ որում, եւ՛ մեկը, եւ՛ մյուսը խոսում են Մինսկի խմբի անունից: