Ֆրանսիայի պատմության ընթացքում առաջին անգամ երկրի նախագահ դարձավ մի մարդ, ով միայն մեկ քառորդով է հանդիսանում ֆրանսիացի: Նիկոլա Սարկոզիի հաղթանակը արդեն բազամթիվ տարբեր արձագանքներ եւ մեկնաբանություններ է ստացել ինչպես համաշխարհային մամուլում, այնպես էլ քաղաքական գործիչների շրջանում: Ընտրությունների արդյունքների հայտարարումից անմիջապես հետո կայացած իր ելույթում Սարկոզին հայտարարել է. «Լինելով իսկական եվրոպացի` ես կանեմ ամեն ինչ, որպեսզի Ֆրանսիան վերադառնա Եվրոպա, սակայն դա պետք է լինի այն Եվրոպան, որը պաշտպանում է իր քաղաքացիներին, այլ ոչ թե գլոբալիզացման «տրոյական ձին», որը կարող է սպառնալիքի տակ դնել տարբեր եվրոպական երկրներում գոյություն ունեցող հասարակական ձեռքբերումները»: