1994 թվականի մայիսի 12-ին ուժի մեջ մտավ ղարաբաղյան հակամարտության գոտում հրադադարի մասին Բիշքեկում ստորագրված արձանագրությունը: Մինչ այդ ԼՂՀ Պաշտպանության բանակը ազատագրել էր Շուշին, Լաչինի միջանցքը եւ անվտանգության գոտի էր ստեղծել Լեռնային Ղարաբաղի մերձակա յոթ շրջաններից: Հայոց բանակի առաջխաղացումը լուրջ սպառնալիք էր ատեղծել Ադրբեջանի համար` շուտով պետք է հետեւեր Շահումյանի եւ Գետաշենի ազատագրումը: Հենց այդ պատճառով Ադրբեջանի նախագահ Հեյդար Ալիեւը, խուսափելու համար ավելի մեծ կորուստներից, իսկ ավելի ճիշտ, թույլ չտալու համար, որ հայկական հողերը վերադարձվեն բուն տերերին, դիմեց ՌԴ նախագահ Բորիս Ելցինին խնդրելով դադարեցնել պատերազմը: