Սեպտեմբերի վերջին «անակնկալ կերպով» Բաքու ժամանեց ԱՄՆ Կենտրոնական հետախուզական վարչության տնօրեն, գեներալ Մայքլ Հայդենը: Սովորաբար նման այցերը լայնորեն գովազդվում են կամ խիստ գաղտնի են պահվում, թույլ տալով տեղեկատվության նվազագույն արտահոսք: Այդպես էր նաեւ այս անգամ. նախապես գեներալ Հայդենի մեկօրյա այցի մասին չի հաղորդվել, ավարտին էլ քիչ բան հայտնի դարձավ: Այցը տեղի ունեցավ սեպտեմբերի 28-ին եւ ներառում էր հանդիպում Ադրբեջանի նախագահ Իլհամ Ալիեւի եւ ազգային անվտանգության նախարար Էլդար Մահմուդովի հետ: