Անցյալ շաբաթ Թեհրանում անցավ մերձկասպյան պետությունների երկրորդ գագաթնաժողովը, որը կարծես թե տեսադաշտից դուրս մնաց Հայոց ցեղասպանության մասին ԱՄՆ Ներկայացուցիչների պալատի 106-րդ բանաձեւի պատճառով: Սակայն գագաթնաժողովը, որին ներկա էին Ռուսաստանի, Իրանի, Ղազախստանի, Ադրբեջանի եւ Թուրքմենստանի նախագահները, չափազանց կարեւոր էր Կասպից ծովի իրավական կարգավիճակի մշակման տեսակետից, որը ԽՍՀՄ փլուզումից հետո մնում է անորոշ: