ԵՄ-ին Թուրքիայի անդամակցության շուրջ բանակցությունների լույսի ներքո Հայաստանի համար գնալով կարեւորվում է հայ-թուրքական հարաբերությունների հարցը, որոնք վերջին 18 տարիներին այդպես էլ չշարժվեցին մեռյալ կետից: Հարաբերություններ հաստատելու չկամությունը, ընդհանուր առմամբ, երկուստեք է` ոչ Հայաստանին, ոչ Թուրքիային դեռեւս հարկավոր չեն բաց սահմաններ, որոնք դեռ ճշտված չեն: Կարսի եւ Լոզանի պայմանագրերը, որոնցով որոշվում է երկու երկրների սահմանները, մինչ այժմ վավերացված չեն, թեեւ պաշտոնական Անկարան գտնում է, որ ԽՍՀՄ փլուզման հետ նրանց մասին ոչ ոք չի հիշի: