Կոսովոյի անկախության ճանաչումը եւ իրավիճակի հետագա զարգացումը Եվրոպայում դարձել է աշխարհում ամենաքննարկվող հարցերից մեկը: Որքան էլ ասեն ԱՄՆ-ն ու ԵՄ-ն, որ Կոսովոն եզակի դեպք է, այնուամենայնիվ քանի որ անկախությունը տրամադրվել է էթնիկ պատկանելության հիման վրա, նրանց փաստարկներն այնքան էլ համոզիչ չեն: Անկախության հռչակումը անմիջապես իր արձագանքն ունեցավ հետխորհրդային տարածքում, եւ առաջին հերթին, չճանաչված հանրապետություններում` Աբխազիայում, Հարավային Օսեթիայում, Մերձդնեստրում եւ Լեռնային Ղարաբաղում: Դե, Լեռնային Ղարաբաղն իրոք հատուկ դեպք է` այն ընդհանրապես կախված չէ Ռուսաստանի դիրքորոշումից, ինչը չի կարելի ասել հիշատակված երեքի մասին: