Ադրբեջանի նախագահ Իլհամ Ալիեւի վերջին ռազմատենչ հայտարարությունները, ամենայն հավանականությամբ, ուղված են Հայաստանի եւ միջազգային հանրության ահաբեկմանը Լեռնային Ղարաբաղի հակամարտության կարգավորման հարցում: Ընդ որում, պաշտոնական Բաքուն շարունակում է պնդել, որ հարցը ուժով կլուծի, «ոչ մեկի վրա ուշադրություն չդարձնելով»: Ալիեւի հիմնական փաստարկը ռազմական բյուջեի ավելացումն է, որը 2008 թվականին կհասնի $2 մլրդ-ի: Գումարը, իրոք, մեծ է. ամբողջ հարցը նրանում է` ինչի վրա է այն ծախսվելու: