Ռուսաստանի եւ Ուկրաինայի միջեւ «գազային պատերազմը», որը գրեթե առանց գազի թողեց ողջ Եվրոպային, ռուսական գազի սպառողներին ստիպեց լրջորեն մտածել Եվրոպա փոխադրվող էներգառեսուրսների այլընտրանքային ճանապարհների մասին: Հենց դրան էր նվիրված վերջերս Բուդապեշտում կայացած գագաթաժողովը, որին հավաքվել էին Ռուսաստանը շրջանցող ու Կենտրոնական Ասիայից Եվրամիության երկրներ, առաջին հերթին` Ավստրիա եւ Գերմանիա տանող 3,3 հազ. կմ երկարությամբ գլխավոր գազատարի Nabucco-նախագծի բաժնետերերը:

2009թ. հունվարի 1-ից Երեւանի կոնյակի գործարանը նոր ղեկավարություն ունի: Ինչպես այսօր մամլո ասուլիսում հայտարարել է Պեռնո Ռիկարի Արեւելյան Եվրոպայի գործադիր տնօրեն Էրիկ Լաբորդը, Երեւանի կոնյակի գործարանի գլխավոր տնօրեն է նշանակվել Արա Գրիգորյանն, որ մինչ այդ զբաղեցնում էր Պեռնո Ռիկար Ուկրաինայ եւ Պեռնո Ռիկար Մինսկ ընկերությունների գործադիր տնօրենի պաշտոնը:

2008թ. դարձավ Հարավային Կովկասի վերաձեւման տարի: Հարավային Օսեթիայի դեմ Վրաստանի սանձազերծած «հնգօրյա պատերազմից» հետո պարզ դարձավ, որ տարածաշրջանում նոր բաժանարար գծեր են նախանշվում: Հավանաբար, ինքն էլ չցանկանալով դա, Վրաստանի նախագահը «թագավորական» նվեր մատուցեց ՌԴ-ին, որը վաղուց էր հարմար առիթի սպասում ԱՄՆ-ից ռեվանշ վերցնելու համար` Կովկասի հակամարտությունների հանգուցալուծման մեջ չափազանց խորը ներթափանցման համար: Արդյունքում ավելի մեծ խառնաշփոթ ստացվեց, որտեղ նույնիսկ «ամենահմուտ» պետությունները չկարողացան որեւէ բան որսալ: