Էրդողանի դեմարշը Դավոսում չհիմնավորված հույսեր արթնացրեց ԱՄՆ հայ համայնքի, ընդհանուր առմամբ ազգի մոտ, որ հրեական լոբբին կարող է նպաստել Հայոց ցեղասպանության ճանաչմանը ԱՄՆ Կոնգրեսում: Թուրքական մամուլը, առաջին հայացքից, լրջորեն մտահոգված լինելով իրադարձությունների նման շրջադարձով, չի հոգնում կրկնել, որ Թուրքիան ու Իսրայելը դաշնակիցներ են, եւ որ Դավոսում կատարվածն ուղղված չէր հրեաների դեմ:

2009թ. հունվարի 1-ից Երեւանի կոնյակի գործարանը նոր ղեկավարություն ունի: Ինչպես այսօր մամլո ասուլիսում հայտարարել է Պեռնո Ռիկարի Արեւելյան Եվրոպայի գործադիր տնօրեն Էրիկ Լաբորդը, Երեւանի կոնյակի գործարանի գլխավոր տնօրեն է նշանակվել Արա Գրիգորյանն, որ մինչ այդ զբաղեցնում էր Պեռնո Ռիկար Ուկրաինայ եւ Պեռնո Ռիկար Մինսկ ընկերությունների գործադիր տնօրենի պաշտոնը:

2008թ. դարձավ Հարավային Կովկասի վերաձեւման տարի: Հարավային Օսեթիայի դեմ Վրաստանի սանձազերծած «հնգօրյա պատերազմից» հետո պարզ դարձավ, որ տարածաշրջանում նոր բաժանարար գծեր են նախանշվում: Հավանաբար, ինքն էլ չցանկանալով դա, Վրաստանի նախագահը «թագավորական» նվեր մատուցեց ՌԴ-ին, որը վաղուց էր հարմար առիթի սպասում ԱՄՆ-ից ռեվանշ վերցնելու համար` Կովկասի հակամարտությունների հանգուցալուծման մեջ չափազանց խորը ներթափանցման համար: Արդյունքում ավելի մեծ խառնաշփոթ ստացվեց, որտեղ նույնիսկ «ամենահմուտ» պետությունները չկարողացան որեւէ բան որսալ: