Հայ-թուրքական սահմանի բացումից հետո, եթե նման բան տեղի ունենա, Առաջին աշխարհամարտի պատմության մեջ վերջակետ կդրվի: Եթե հավատանք թուրքական աղբյուրներին, իսկ նրանց չհավատալու հիմք գրեթե չկա, ապա Հայաստանը համաձայնել է Անկարայի առաջադրած նախապայմաններին: Հիմնական պայմանը, ինչպես հիշում ենք, Օսմանյան կայսրության քայքայումից հետո ձեւավորված ժամանակակից Թուրքիայի սահմանների ճանաչումն էր: ԽՍՀՄ փլուզումից հետո Թուրքային անհրաժեշտ է Ռուսաստանի եւ Հայաստանի կողմից Խորհրդային Միության իրավահաջորդության հարցում իր իրավունքների հաստատումը ամբողջությամբ` ներառյալ պայմանագրերը, չնայած Մոսկվայի եւ Կարսի պայմանագրերը, որոնց շուրջ էլ ծավալվում է վեճը, ձեւականորեն ստորագրվել են ոչ թե ԽՍՀՄ, այլ Ռուսաստանի կողմից:

Համաշխարհային ֆինանսական ճգնաժամի ազդեցությունը ընդհանրապես Հայաստանի տնտեսության եւ քաղաքացիների սոցիալական վիճակի վրա արդեն զգալի է, հատկապես, բնակչության զբաղվածության հարցում: Այսօր արդեն աշխատանքի տեղավորման մի շարք առաջատար գործակալություններ արդեն սկսել են ահազանգել. աճող պահանջարկին զուգընթաց աշխատանքային շուկայում նկատվում է առաջարկի գրեթե կրկնակի կրճատում:

2008թ. դարձավ Հարավային Կովկասի վերաձեւման տարի: Հարավային Օսեթիայի դեմ Վրաստանի սանձազերծած «հնգօրյա պատերազմից» հետո պարզ դարձավ, որ տարածաշրջանում նոր բաժանարար գծեր են նախանշվում: Հավանաբար, ինքն էլ չցանկանալով դա, Վրաստանի նախագահը «թագավորական» նվեր մատուցեց ՌԴ-ին, որը վաղուց էր հարմար առիթի սպասում ԱՄՆ-ից ռեվանշ վերցնելու համար` Կովկասի հակամարտությունների հանգուցալուծման մեջ չափազանց խորը ներթափանցման համար: Արդյունքում ավելի մեծ խառնաշփոթ ստացվեց, որտեղ նույնիսկ «ամենահմուտ» պետությունները չկարողացան որեւէ բան որսալ: