Անցած շաբաթը Հայաստանի համար եղել է, ինչպես միշտ վերջերս, բավական հագեցած, թեեւ կատարվածը լոկ հերթական կրկնությունն էր` հայ-թուրքական հարաբերություններ, մադրիդյան սկզբունքների հրապարակում: Շաբաթվա սենսացիան դարձավ ՀՀ նախագահ Սերժ Սարգսյանի վերջին հայտարարությունն այն մասին, որ անընդունելի է Թուրքիա մեկնել փակ սահմանով:

Հայաստանում ավարտվող շաբաթվա հիմնական ներքաղաքական իրադարձությունը դարձավ Երեւանի ավագանիների խորհրդի աշխատանքը, ընդդիմության դանդաղընթաց բողոքի ցույցերը, 2008 թվականի մարտի 1-ի իրադարձությունների շուրջ փաստահավաք խմբի ցրումը, ՀՀ խորհրդարանում հարկային օրինագծի եւ «Հազարամյակի մարտահրավերները» ծրագրի կողմից Հայաստանի ֆինանսավորման դադարեցման քքնարկումը:

Ապրիլի 11-ին Հայ Առաքելական եկեղեցին սկսում է նշել եկեղեցական վեց Տաղավար տոներից մեկը` Սուրբ Զատիկը: Արեւի մայրամուտի հետ մինչ ուշ երեկո ՀԱԵ բոլոր եկեղեցիներում կմատուցվի պատարագ, որը նշանավորում է Մեծ պասի ավարտն ու Հիսուս Քրիստոսի հարությունը: Մահացած եւ հարություն առած աստծո ավանդույթը գալիս դեռեւս հին եգիպտական կրոնից, երբ եգիպտացիները նշում էին Օսիրիս աստծո մահն ու հարությունը: Այժմյան քրիստոնեական Զատիկը իր սկիզբն է առնում Հին կտակարանից: Հին հրեաները նշում էին Զատիկը (Պեսախ) որպես Եգիպտսից հրեաների հեռանալու տոն:

Համաշխարհային ֆինանսական ճգնաժամի ազդեցությունը ընդհանրապես Հայաստանի տնտեսության եւ քաղաքացիների սոցիալական վիճակի վրա արդեն զգալի է, հատկապես, բնակչության զբաղվածության հարցում: Այսօր արդեն աշխատանքի տեղավորման մի շարք առաջատար գործակալություններ արդեն սկսել են ահազանգել. աճող պահանջարկին զուգընթաց աշխատանքային շուկայում նկատվում է առաջարկի գրեթե կրկնակի կրճատում: