Նախօրեին ԱՄՆ-ն վերջնական որոշում կայացրեց ԵԱՀԿ ՄԽ նոր համանախագահի նշանակման հարցում` ընտրելով կադրային դիվանագետ, դեսպան Ռոբերտ Բրադտկեին: Բրադտկեն 25-ամյա աշխատանքային փորձ ունեցող դիվանագետ է, եղել է ԱՄՆ դեսպանը Խորվաթիայում, իսկ 2001-2004թթ. աշխատել է ԱՄՆ պետքարտուղարի Եվրոպայի ու Եվրասիայի հարցերով օգնականի տեղակալ, պատասխանատու է եղել ՆԱՏՕ-ի եւ ԵԱՀԿ-ի- հետ հարաբերությունների համար:

Open Music Fest-ի շնորհիվ, որն անց է կացվում Երեւանում, Հայաստանի մշակութային կյանքում 2009-ի ամռան վերջին շաբաթում տիրող հարաբերական անդորրը զարդարվեց Աննա Մաիլյանի սոպրանոյով, Տաթեւիկ Բաղդասարյանի բարեհնչյուն ֆլեյտայի ձայնով` Հայաստանի ազգային կամերային նվագախմբի նվագակցությամբ, որի գեղարվեստական ղեկավարն է Արամ Կարաբեկյանը: