Թուրքիան ակտիվացրել էր տարածաշրջանում ղեկավար դիրք գրավելու իր ջանքերը` օգտվելով Եգիպտոսի թուլությունից: Եգիպտական ընդդիմության կարծիքով, Թուրքիան եւ Իրանը օգտագործում են արաբական աշխարհի թուլությունը, որպեսզի իսլամի միջոցով գրավեն ողջ տարածաշրջանը: «Շաբաթ» ընդդիմադիր թերթի գլխավոր խմբագիր Մուստաֆա Բաքրիի խոսքերով, Իրանն ուզում է, որ ամբողջ տարածաշրջանը դառնա շիայական, իսկ Թուրքիայի ցանկություններն ավելի առաջ են գնում: «Իրաքը վաղ թե ուշ Քրդստան է դառնալու, այնպես որ մենք պետք է հույսներս դնենք միայն արաբական միասնության վրա: Մենք նախագահ Նասերի ավանդներով ենք առաջնորդվում: Դրանք , առաջին հերթին, վերաբերում են պաղեստինա-իսրայելական հակամարտությանը: Համալ Աբդել Նասերն ասում էր` այն ինչ ուժով է վերցված, պետք է վերադարձնել միայն ուժով», - ընդգծել է Բաքրին:

Տարածաշրջանը եւ ամբողջ աշխարհը քարացել է սպասման մեջ: Եվ թեպետ արդեն հայտարարվել է Հայաստանի եւ Թուրքիայի միջեւ իսկապես պատմական հանդիսացող արձանագրությունների ստորագրման ամսաթիվը, կողմերն իրենց չափազանց զգուշավոր են պահում: Չնայած նրան, որ ոչ մի ֆորս-մաժորային իրավիճակ չի սպասվում, սակայն Աստված պահպանում է նրան, ով իր մասին հոգ է տանում: Ճիշտ է, ֆորս-մաժորը կարող է սադրել Ադրբեջանը, ինչպես նա արդեն արեց Ղարաբաղի նկատմամբ սույն թվականնի մարտի 4-ին: