Սկսել եմ ըմբշամարտով զբաղվել, որպեսզի բոլորից ուժեղ լինեմ

Ինչպես և Պեկինի խաղերի ժամանակ, մեկնում եմ միայն ոսկե մեդալի համար:

Պեկինում էլ ես լավ մարզավիճակում էի, պարզապես շատ վաղ փուլում դուրս մնացի հետագա պայքարից: Հիմնական պատճառն այն է, որ ես չհարմարվեցի այնտեղի կլիմային: Հիմա այդ սխալը չեմ կրկնելու, շուտ եմ մեկնելու Լոնդոն, որպեսզի ամեն ինչ լավ լինի:

Շատ դժվար մրցաշար էր, քանի որ մասնակցում էին բոլոր այն ուժեղ ըմբիշները, որոնք աշխարհի առաջնության ժամանակ չէին կարող ուղեգիր վերցնել: Ու ես, Աստծո կամոք, կարողացա ուղեգիր նվաճել ու դառնալ այդ մրցաշարի հաղթող:

Շատ ուժեղ է Կուբան ներկայացնող Լոպեսը, ինչպես նաև ռուսաստանցի Հասան Բարոևը ու նաև Թուրքիայի և Ղազախստանի ներկայացուցիչները:

Ես շատ մեծ ուրախությամբ եմ ընդունել Հայաստանի հավաքականում հանդես գալու հրավերը, ընդհանրապես չեմ տատանվել ու մինչև հիմա էլ ուրախ եմ, որ այստեղ եմ:

Վրաստանում կայացած միջազգային մրցաշարի ժամանակ եմ հանդես եկել Հայաստանի ընտրանու կազմում: Այնտեղ հասա մինչև եզրափակիչ, շատ վստահ էի սեփական ուժերիս վրա ու ինձ թվում էր, որ շատ հեշտ հաղթանակ եմ ունենալու: Սակայն չափազանց ինքնավստահության պատճառով զիջեցի: Բացի այդ էլ կիսաեզրափակչում ոտքի վնասվածք էի ստացել, դա էլ խանգարեց ինձ:

Շատ հեշտ, Ռուսաստանի տարբեր քաղաքներից ժամանել էին և իմ ընկերները, և երկրպագուներ ու աջակցում էին ինձ: Շատ հաճելի էր, որ մարզասերները սիրում են ինձ:

Ամեն ինչ հիանալի է, նրանք պրոֆեսիոնալ մարզիչներ են ու ամեն ինչ գիտեն: Լիովին հասկանում ենք իրար, ու վստահության և հարգանքի մթնոլորտում են ընթանում մեր մարզումները:

Այս տարի հիմնականում Երևանում եմ պատրաստվել մրցաշարերին: Երկու ամիս Եվրոպայի առաջնությունից առաջ եմ այստեղ մարզվել, այնուհետև հանգստացել եմ Եգիպտոսում, ու սկսել եմ Օլիմպիական խաղերին պատրաստվել Երևանում:

Արդեն երկար տարիներ է Հայաստանն եմ ներկայացնում ու շատ բառեր եմ սովորել` բարև ձեզ, հաջողություն, բարի ախորժակ, էլի մի շարք բառեր գիտեմ: Պարզապես հայերենում ավելի շատ տառեր կան ու կան հնչյուններ`ղ, ձ, ճ, ծ, որ չեմ կարողանում արտասանել:

Շատ շնորհակալ եմ, որ նրանք երկրպագում ու ցավում են ինձ համար: Միշտ հաճելի է իմանալ, որ քո թիկունքում բազմաթիվ երկրպագուներ են աջակցում: Նրանց հաջողություն եմ մաղթում և ցանկանում, որ արդարացնեմ և նրանց, և իմ սպասելիքները (ծիծաղում է):

Հունահռոմեական ըմբշամարտում չի կարելի հնարքներ կատարել գոտկատեղից ներքև, ու դրանով այն ավելի հետաքրքիր ու գրավիչ է: Այն իր հոգեբանությունն ունի, այդ պատճառով էլ դասական ոճ է համարվում: Հունահռոմեական ըմբշամարտն ինձ ավելի հոգեհարազատ է, այդ պատճառով էլ ընտրել եմ: Սկսել եմ մարզվել 7 տարեկանից, այդ ժամանակ ցանկանում էի բոլորից ուժեղ դառնալ:

Ամենակարևորն այն կլինի, որ հաղթեմ Օլիմպիական խաղերում, իսկ մինչև այդ ամենահաջողը համարում եմ 1994-1995 թվականները, երբ պատանեկան մրցաշարերում հաղթանակներ եմ արձանագրել: Այդ ժամանակ շատ առանձնահատուկ էին այդ հաղթանակներն ինձ համար: Պատանի հասակում բոլորովին այլ կերպ ես ուրախանում հաղթանակներիդ համար:

Հայրիկս զբաղվել է վոլեյբոլով, հիմա նա 60 տարեկան է, բայց շարունակում է խաղալ, իսկ մայրիկս ֆիզիկայի ուսուցչուհի է:

Մոսկվայում ենք ծանոթացել, հետո տեղափոխվել ենք Կրասնոդար: Այնպիսի առաջարկություն եմ արել, որ նա չի կարողացել հրաժարվել (ծիծաղում է)::

Հունահռոմեկան ըմբշամարտի մասին ոչինչ չի իմացել, բայց սպորտով զբաղվել է: Նրա հայրը անվանի մարզիկ է, զբաղվել է կարատեով:

Այո, ընտանիքս հաճախ է լինում Երևանում, երբ երկար ժամանակով եմ գալիս այստեղ, միշտ ուղեկցում է ինձ: Եղել ենք Սևանում, Ծաղկաձորում, շատ են հավանել ու Երևանում էլ գտել են բազմաթիվ հետաքրքրություններ:

Հիմա կդժվարանամ ասել, որովհետև երազանքներս չեն իրականանում: Այդ պատճառով էլ դեռ ոչինչ չեմ ասի այդ մասին:

Երբեք չեմ եղել, միայն գիտեմ, որ Բիգ Բենն այնտեղ է գտնվում:

Կարծում եմ ոսկե մեդալ նվաճելու հնարավորություն ունեն Արթուր Ալեքսանյանն ու Արսեն Ջուլֆալակյանը, մարզումների ժամանակ ես տեսնում եմ, թե ինչպես են նրանք աշխատում: Բայց ամեն ինչ կախված է վիճակահանությունից, ըմբշամարտում դա շատ կարևոր է: