  Նազելի Վարդանյան. Գուրգեն Մարգարյանին սպանելով` Ռամիլ Սաֆարովը կատարել է Ադրբեջանի պատվերը  30 օգոստոսի 2012 - 13:28 AMTPanARMENIAN.Net - Հայ սպա Գուրգեն Մարգարյանին սպանած ադրբեջանցի Ռամիլ Սաֆարովը կատարել է Ադրբեջանի պետական պատվերը, կարծում է Բուդապեշտում Գուրգեն Մարգարյանի ընտանիքի շահերի ներկայացուցիչ, փաստաբան Նազելի Վարդանյանը: «Ես այն ժամանակ էլ էի համոզված, հիմա նույնպես, որ այդ դաժան սպանությունը պետական պատվեր էր»,- Երևանում մամլո ասուլիսում հայտարարել է նա: Վարդանյանի խոսքով, ադրբեջանական իշխանությունները Սաֆարովի նկատմամբ դատական գործընթացի սկզբից գործուն մասնակցություն են ունեցել` արդարացնելով նրա հանցագործությունը և փորձելով մեղմացնել դատավճիռը: Նա նշել է, որ Ադրբեջանը նույնիսկ դեսպանատուն է բացել Բուդապեշտում և բոլոր դատական նիստերին ներկա են եղել Հունգարիայում ադրբեջանական և թուրքական դեսպանատան ներկայացուցիչներ: Վարդանյանը նաև հիշեցրել է, թե ինչպես մարդասպան Սաֆարովին ազգային հերոս են դարձրել Ադրբեջանում: Նա մասնավորապես մեջբերել է Ադրբեջանի օմբուդսմեն Էլմիրա Սուլեյմանովայի խոսքերը, որ «Սաֆարովը պետք է օրինակ դառնա երիտասարդության համար», նախագահ Իլհամ Ալիևի հայտարարությունը, որ Ղարաբաղում պետք է սպանել հայերին, ինչպես նաև Եվրամիությունում Ադրբեջանի ներկայացուցչի խոսքերը, որ նման դեպք կարող է լինել նաև ԵՄ-ում, քանի որ «վրեժի կացինը կախված է յուրաքանչյուր հայի գլխին»: 2004թ. փետրվարի 19-ին լեյտենանտ Գուրգեն Մարգարյանը Բուդապեշտում գազանաբար կացնահարվեց ադրբեջանցի սպա, ավագ լեյտենանտ Ռամիլ Սաֆարովի կողմից: Երկուսն էլ Բուդապեշտում մասնակցում էին ՆԱՏՕ-ի «Գործընկերություն հանուն խաղաղության» ծրագրի շրջանակներում կազմակերպված անգլերեն լեզվի դասընթացներին: 2006թ. ապրիլի 13-ին մարդասպանը Բուդապեշտում դատապարտվեց ցմահ բանտարկության՝ 30 տարվա ընթացքում առանց ներման իրավունքի: Հայաստանի նախագահ Ռոբերտ Քոչարյանի հրամանագրով Գուրգեն Մարգարյանը 2005թ. փետրվարի 19-ին հետմահու պարգևատրվեց «Արիության համար» մեդալով՝ ծառայության ընթացքում դրսևորած արիության ու ինքնազոհողության համար: Ինչպես օրերս հայտնել է Հայոց ցեղասպանության թանգարանի տնօրեն Հայկ Դեմոյանը, Սաֆարովի գործը բացահայտում է հայ-ադրբեջանական հարաբերությունների ևս մեկ կարևոր ասպեկտ, այն է, որ ադրբեջանցի սպաները ուսոցում են անցնում Թուրքիայի հատուկ ջոկատներում, որոնք գտնվում են գրավյալ Հյուսիսային Կիպրոսի տարածքում: «Ի՞նչ են անում ադրբեջանցի սպաները Կիպրոսում: Նրանց այնտեղ սովորեցնում են սպանել, դա պարզ է դառնում Սաֆարովի գործողություններից, որը նախապես կացին էր գնել, սրել էր այն ու ի վերջո կացնահարել հայ զինվորականին»,-հավելել է նա: Ինչպես նշել է Դեմոյանը, Սաֆարովի գործում մեծ դերակատարություն ունեցավ դատավոր Անդրեա Վասկուտտին, որը «կարողացավ հասնել դատապարտյալի արդարացի դատական փորձաքննությանը, որի արդյունքում ապացուցվեց, որ Սաֆարովը մեղսունակ է և կանխամտածված է կատարել սպանությունը»: Վերջում Դեմոյանը հայտարարեց, որ «Սաֆարովի դատավճիռը Ադրբեջանի ղեկավարության դատավճիռն է:   Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Վերջին լուրեր Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել»  Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև»Հունգարիայի ԱԳ նախարար. Պատրաստվում ենք ՀՀ և ԵՄ-ի միջև վիզաների ազատականացման երկխոսությունը սկսել Հուլիսի 1-ից Հունգարիան է ստանձնում ԵՄ նախագահությունը |
