Հրանտ Բագրատյան. Հայաստանը չպետք է բանակցի Հունգարիայի հետ, քանի դեռ Սաֆարովը չի վերադարձվել այդ երկիր 3 սեպտեմբերի 2012 - 13:03 AMT PanARMENIAN.Net - Հայաստանը չպետք է բանակցի Հունգարիայի հետ, քանի դեռ Ռամիլ Սաֆարովը չի վերադարձվել այդ երկիր: Սեպտեմբերի 3-ին Երևանում կայացած մամլո ասուլիսում ՀՀ նախկին վարչապետ, ԱԺ ՀԱԿ խմբակցության անդամ Հրանտ Բագրատյանը նման դիրքորոշում է հայտնել հայ սպային կացնահարած Ռամիլ Սաֆարովին Հունգարիայի կողմից Ադրբեջանին արտահանձնելու վերաբերյալ: «Մենք այլ լծակներ չունենք, այլ ելք չունենք»,-ասել է նա: Նախկին վարչապետը նշել է, որ Հայաստանն անհապաղ պետք է խզեր դիվանագիտական հարաբերությունները Հունգարիայի հետ: Օգոստոսի 15-ին հունգարացի իրավապահներին հասցեագրված նամակում երաշխիքներ են տրվել, որ Սաֆարովի ցմահ բանտարկությունը կարող է փոխվել դատարանի որոշմամբ միայն ազատազրկման այլ ժամկետի, իսկ պայմանական կարող է ազատ արձակվել միյն 25 տարի պատիժը կրելուց հետո: Հունգարական կողմը նոտա է հանձնել Ադրբեջանին, որտեղ ասվում է, որ Բաքուն դրժել է իր իսկ խոստումները Ռամիլ Սաֆարովի արտահանձնման պայմանների մասին, հայտնում է Հունգարիայի կառավարության կայքը: Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»: Ուշագրավ Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Ամենաընթերցվողը բաժնում | «Երևանի բալետային փառատոն»՝ Թումանյանի անվան զբոսայգում Բացօթյա փառատոնի ներկայացումների սկիզբը 20:00–ին է Օսթին. ԱՄՆ-ն չի կարող ենթադրություններ անել Ռայիսիի ուղղաթիռի կործանման պատճառների մասին Աշխարհի 8 երկրում սուգ է հայտարարվել Ռայիսիի մահվան կապակցությամբ Ֆասթ Բանկի աջակցությամբ վերանորոգվել են «Բոհեմ» թատրոնի ենթակառուցվածքները «Բոհեմ» թատրոնը գործում է 2016 թվականի սեպտեմբերից «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս |