ՀՌԵԱ կազմակերպությունը պահանջում է ՌԴ պետական և հասարակական շրջաններից քննադատել Սաֆարովի արտահանձնումը 3 սեպտեմբերի 2012 - 19:29 AMT PanARMENIAN.Net - «Հայ-Ռուսական Երիտասարդական Ալյանս» ՀԿ-ն նախաձեռնել է նամակների հղում Ռուսաստանի մի շարք քաղաքական և հասարակական գործիչների` պահանջելով արժանի գնահատական տալ Հունգարիայի գործողություններին` ադրբեջանցի Ռամիլ Սաֆարովի արտահանձնման կապակցությամբ: Նամակում ասվում է. «Օգոստոսի 31-ին ողջ հայ ժողովուրդը և ողջ քաղաքակիրթ համաշխարհային հանրությունը ցնցվեց արտահանձնման լուրից, որին հետևց Ռամիլ Սաֆարովի ազատ արձակումն ու նրան հերոսների շարքում ներառելը: Վերջինս 2004թ փետրվարի 19-ին Բուդապեշտում դաժանաբար սպանել էր հայ սպա Գուրգեն Մարգարյանին: Նմանատիպ գործողությունները արդարադատության ոտնահարում և ադրբեջանական հասարակությունում հայ ժողովրդի նկատմամբ քսենոֆոբիայի և ռասայական անհանդուրժողականության սերմանման տրամաբանական շարունակություն է: Միջազգային հանրության կողմից այս հարցի հետագա անտեսումը, առավել ևս նման գործողություններին աջակցելն, անընդունելի է: Այս առնչությամբ, հաշվի առնելով Հայաստանի և Ռուսաստանի ռազմավարական, դաշնակցային հարաբերությունները, «Հայ-Ռուսական Երիտասարդական Ալյանսը» կոչ է անում արդար, հստակ և միանշանակ կերպով գնահատել տեղի ունեցածը»: ՀՌԵԱ ակտիվիստները տվյալ նամակով դիմել են ՌԴ նախագահ Վլադիմիր Պուտինին, վարչապետ Դմիտրի Մեդվեդևին, ԱԳ նախարար Սերգեյ Լավրովին, Պետդումայի խոսնակ Սերգեյ Նարիշկինին և մի շարք այլ պաշտոնյաների: Նշենք, որ այսօր հայտնվել է ՌԴ ԱԳՆ ներկայացուցիչ Ալեքսանդր Լուկաշևիչի պաշտոնական մեկնաբանությունը, որում, մասնավորապես, ասվում է. «Ինչպես ադրբեջանական, այնպես էլ հունգարական իշխանությունների գործողությունները հակասում են միջազգային մակարդակում հասած պայմանավորվածություններին, նախ և առաջ` ԵԱՀԿ ՄԽ-ի գծով, որոնք ուղղված են տարածաշրջանում լարվածության նվազեցմանը»: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |