ԱՅՍ ՏԱՐԻ ԲՈՒՆԴԵՍԹԱԳԻՆ ԱՌԻԹ Է ԸՆՁԵՌՆՎԵԼ ՊԱՇՏՈՆԱՊԵՍ ՀԻՇԵԼ ՀԱՅՈՑ ՑԵՂԱՍՊԱՆՈՒԹՅՈՒՆԸ, ԳՐՈՒՄ Է ԳԵՐՄԱՆԱԿԱՆ ԹԵՐԹԸ25 փետրվարի 2005 - 19:59 AMT PanARMENIAN.Net - 90 տարի առաջ երիտթուրքերի կառավարության հրամանով ոչնչացվել էր Թուրքիայի հայկական էլիտան: Դրանով իսկ հալածանքների եւ արտաքսումների սկիզբն էր դրվել, որոնց ընթացքում 1916 թվականին շուրջ կես միլիոն հայ էր կոտորվել, փետրվարի 24-ի համարում գրում է գերմանական «Frankfurter Algemeine Zeitung» թերթը, տեղեկացնում է «Ռեգնում» ռուսաստանյան լրատվական գործակալությունը: Ինչպես գրում է թերթը, Գերմանիայի քրիստոնեա-ժողովրդավարական եւ Քրիստոնեա-սոցիալիստական կուսակցությունները Հայաստանի եւ Թուրքիայի միջեւ հաշտությանն աջակցելու, ինչպես նաեւ այդ ողբերգական իրադարձություններին գերմանական ռեյխի մասնակցությունը ճշտելու նպատակով Բունդեսթագում հանդես են եկել առաջարկությամբ` հարգանքի տուրք մատուցել Հայոց ցեղասպանության զոհերին: Այնուհետեւ թերթում «Ցեղասպանությունը խորհրդարանում. Բունդեսթագը պե՞տք է հարգանքի տուրք մատուցի զոհված հայերի հիշատակին» վերնագրով նշվում է, որ այդ առաջարկության մեծամասնությամբ ընդունումը շրջադարձային իրադարձություն կդառնա: Ընդսմին, թերթը հիշեցնում է, որ Թուրքիան մինչեւ օրս հրաժարվում է պատասխանատվություն ստանձնել կատարվածի համար: Թերթը ենթադրում է, որ Բունդեսթագի բանաձեւը նման չէ Ֆրանսիայի խորհրդարանի կողմից 4 տարի առաջ ընդունած օրենսդրական ուժ ունեցող որոշմանը, որն այն ժամանակ գերմանական քաղաքագետների շրջանակում վիճաբանությունների ալիք էր առաջացրել: Վերջիններս կապել էին այդ հարցը թուրքերի ինքնագիտակցության աճի հետ, ինչպես նաեւ հայտարարել էին, որ պատմական իրադարձություններին գնահատական տալը չի մտնում խորհրդարանի պարտականությունների մեջ: Հոդվածում հիշատակվում է նաեւ հայկական հարցի ամերիկյան հանգուցալուծումը, երբ Ներկայացուցիչների պալատին ուղղված Բիլլ Քլինթոնի նամակը թույլ չէր տվել ընդունել համապատասխան բանաձեւ` «ԱՄՆ ազգային շահերից ելնելով»: Այն ժամանակ Թուրքիան սպառնացել էր ԱՄՆ-ին փակել Ինջիրլիկում տեղակայված ռազմակայանը, իսկ Թուրքիայի նախկին վարչապետ Չիլլերը` տեղահանել հայերին երկրում անօրինական բնակության համար: Թերթը նաեւ հիշատակում է, որ 2000 թվականի ապրիլին Գերմանիայի 6 հազար հայեր Բունդեսթագ դիմում էին ներկայացրել` կոչ անելով ճանաչել Հայոց ցեղասպանությունը, որը մեկ տարի անց մերժվել էր, որպեսզի չփչացնել թուրք-գերմանական դիվանագիտական հարաբերությունները: ԳՔԺ եւ ԳՔՍ խմբակցությունները ցանկություն են հայտնել աջակցել Թուրքիայում աշխատող պատմաբաններին եւ հրատարակիչներին, որոնք կլուսաբանեն ճշմարտությունը եւ դրանով կօժանդակեն իրենց պատմության հետ հնազանդվելու բարդ խոչընդոտի հաղթահարմանը: 1915 թվականի հոկտեմբերին Առաջին համաշխարհային պատերազմի ժամանակ, երբ Թուրքիան եւ Գերմանիան դաշնակիցներ էին, աստվածաբան Լեպսիուսը ելույթ էր ունեցել Ռեյխսթագում: Դատապարտելով տեղահանումը եւ ցեղասպանությունը` նա Գերմանիայի կառավարությանը կոչ էր արել անհապաղ միջամտել իրադարձություններին, ինչից հետո այդ թեման ռազմական գրաքննության հսկողության տակ էր առնվել: Թերթը նշում է նաեւ, որ այս տարի Բունդեսթագին առիթ է ընձեռնվել պաշտոնապես հիշել Հայոց ցեղասպանությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |