 Բորդյուժա. ՀԱՊԿ ԱԱՀՈւ կազմում ներառված են ամենամարտունակ և էլիտար ստորաբաժանումները 18 սեպտեմբերի 2012 - 16:09 AMT PanARMENIAN.Net - ԱԱՀՈւ ուժերը ՀԱՊԿ հիմնական բաղադրիչներից են և կարող են արձագանքել ցանկացած մարտահրավերի, կապված ուժի կիրառման հետ: Այդ մասին Երևանում կայացած մամլո ասուլիսում հայտարարել է ՀԱՊԿ գլխավոր քարտուղար Նիկոլայ Բորդյուժան: «Սա ունիվերսալ գործիք է, կարևորը առաջին հերթին համատեղ գործողությունների հնարավորությունն է»,-ասել է նա: Բորդյուժան նշել է, որ ՀԱՊԿ ԱԱՀՈւ կազմում ընդգրկված են զորամիավորումներ, ՆԳՆ, պետանվտանգության և ԱԻՆ հատուկ կազմավորումներ, որոնք կարող են տեղայնացնել զինված հակամարտությունը, օպերատիվ կերպով փակել սահմանը իրավիճակի սրման դեպքում, պայքարել ահաբեկչության և ավազակային կազմավորումների, ինչպես նաև արտակարգ իրավիճակների հետևանքների հետ: Նա նշել է, որ ՀԱՊԿ ԱԱՀՈւ զորավարժությունները, որոնք անցնում են Հայաստանում, հնարավորություն են տալիս կատարելագործելու ԱԱՀՈւ կազմավորումների մարտական պատրաստվածությունն ու համագործակցությունը: ՀԱՊԿ գլխավոր քարտուղարը նշել է, որ հայտնաբերված թերություններից է սահմանի հատման խնդիրը և զենքի տեղափոխումը, ինչն անհրաժեշտ է դարձնում համապատասխան ուղղումները ՀԱՊԿ անդամ ազգային օրենսդրություններում: «Մենք անշուշտ, ունենք խնդիրներ, և մենք դա չենք թաքցնում: Սակայան, զորավարժությունները հենց դրա համար են անցկացվում, որպեսզի հայտնաբերվել թերություններն ու չեզոքացվեն»,-ասել է նա: Լրագրողների ԱԱՀՈւ մարտունակության մակարդակի մասին հարցին Բորդյուժան պատասխանել է, որ դրա բարձր մակարդակի մասին է վկայում այն, որ կազմակերպության անդամ երկրները պայմանավորվել են գործուղել իրենց ամենամարտունակ և էլիտար ստորաբաժանումները:   Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Վերջին լուրեր Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով  Նա հավելել է, որ ԱՄՆ–ն սատարում է վրաց ժողովրդինՈստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթինՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |
