ՀՀ նախագահը պապական խորհրդի ներկայացուցչի հետ քննարկել է քրիստոնեական միասնության հարցեր26 սեպտեմբերի 2012 - 21:01 AMT PanARMENIAN.Net - Նախագահ Սերժ Սարգսյանն այսօր ընդունել է Քրիստոնեական միասնության աջակցության պապական խորհրդի նախագահ Նորին Սրբազնություն կարդինալ Կուրտ Կոխին: Ինչպես հաղորդում է նախագհի մամուլի ծառայությունը, Սերժ Սարգսյանը ողջունել է կարդինալի այցը մեր երկիր՝ այն համարելով Հայաստանի և Սուրբ Աթոռի միջև հարաբերությունների ամրապնդման ու զարգացման լավագույն վկայություններից մեկը: «Որպես քրիստոնեությունն աշխարհում առաջինը պետականորեն ընդունած երկիր՝ Հայաստանի համար Վատիկանի հետ հարաբերությունները մեծ կարևորություն և նշանակություն ունեն: Ես հաճույքով եմ վերհիշում անցյալ տարվա դեկտեմբերին Սուրբ Աթոռում Նորին Սրբության հետ կայացած իմ հանդիպումը, որի ընթացքում քննարկեցինք Հայաստանի և Վատիկանի միջև հարաբերությունների զարգացման օրակարգը: Երկկողմ պատմական կապերն ու առնչությունները, հարուստ մշակութային և հոգևոր ժառանգությունը, արժեհամակարգի ընդհանրությունները մեզ պարտավորեցնում են մեր հարաբերությունները մշտապես պահել բարձր մակարդակի վրա և հնարավորինս խորացնել»,-ասել է Նախագահ Սերժ Սարգսյանը: Հանրապետության նախագահն ընդգծել է, որ շատ լավ հարաբերություններ են ձևավորվել նաև Մայր Աթոռ Սուրբ Էջմիածնի և Սուրբ Աթոռի միջև, ինչը միանգամայն բնական է՝ հաշվի առնելով երկու եկեղեցիները կապող քրիստոնեական արժեհամակարգն ու գաղափարախոսությունը: Նորին Սրբազնություն կարդինալ Կոխը ուրախությամբ է փաստել, որ Հայաստանը՝ որպես հարուստ պատմություն, լուրջ քրիստոնեական ավանդույթներ ունեցող երկիր, պահպանում է այդ ավանդույթներն ու զարգանում: Նա նշել է, որ կաթոլիկ եկեղեցու առաքելությունն է խրախուսել խաղաղության պահպանումը, զարգացնել երկխոսությունն ու համագործակցությունը բոլոր ժողովուրդների և կրոնների միջև, ինչն աշխարհում խաղաղության հաստատման առաջին նախապայմանն է: Հանրապետության ղեկավարը մեծապես կարևորել է Վատիկանի դերը ոչ միայն աշխարհում խաղաղության պահպանման, մարդու իրավունքների և հանդուրժողականության հաստատման, այլ նաև քրիստոնեական աշխարհի համախմբման գործում: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Մի դրամի ուժն ամփոփում է «Դասավանդիր, Հայաստանի» հետ երկամյա ծրագիրը Ընկերություններին այցի ժամանակ միացել էր նաև Իդրամ Ջունիորը՝ իր հետ բերելով ինտելեկտուալ խաղ երեխաների համա ՀՀ–ն և Ֆրանսիան կընդլայնեն գործակցությունը քաղավիացիայի ոլորտում․ Համաձայնագիր կա Կներգրավվեն համապատասխան մասնագետներ, մասնագիտական գիտելիքների և լավագույն փորձի փոխանակում կիրականացվի ՌԴ ԱԳ փոխնախարար․ Կարևոր է, որ Ալմաթիի շփումները եռակողմ պայմանավորվածությունների հունով են գնում «Սատարում ենք Աստանայի ջանքերին այդ ուղղությամբ»,–ասել է նա Ոստիկանություն․ Օպերային հարակից փողոցները փակ են լինելու Օպերայում անցկացվելու է EBRD–ի միջազգային ֆորումը |