  Չնայած Բաքվի ռազմատենչ հայտարարություններին, Հայաստանը պատրաստ է շարունակել բանակցությունները 31 հոկտեմբերի 2012 - 16:17 AMT PanARMENIAN.Net - Ազգային անվտանգության խորհրդի քարտուղար Արթուր Բաղդասարյանը հոկտեմբերի 30-ին ընդունել է Հայաստանի Հանրապետությունում Ավստրիայի Հանրապետության արտակարգ և լիազոր դեսպան Ալոիս Կրաուտին և ՀՀ-ում Ավստրիայի Հանրապետության պատվո հյուպատոս Արամ Մարությանին: Այս մասին PanARMENIAN.Net ին հայտնում են ՀՀ ԱԱԽ հասարակայնության հետ կապերի և լրատվության բաժնից: ԱԱԽ քարտուղարը շնորհավորել է դեսպանին մեր երկրում դիվանագիտական առաքելությունն սկսելու առիթով և հաջողություն մաղթել հետագա գործունեության մեջ: Արթուր Բաղդասարյանը նշել է, որ Հայաստանը կարևորում է Ավստրիայի Հանրապետության հետ հարաբերությունների զարգացումը և խորացումը ինչպես երկկողմ, այնպես էլ բազմակողմ ձևաչափերով, այդ թվում՝ ակտիվ համագործակցությունը ԵՄ-ի շրջանակներում: Դեսպանի խնդրանքով ԱԱԽ քարտուղարն անդրադարձ է կատարել տարածաշրջանային խնդիրներին` մասնավորապես Լեռնային Ղարաբաղի հիմնախնդրին և Թուրքիայի ու Ադրբեջանի հետ հարաբերություններին: Արթուր Բաղդասարյանը նշել է, որ Հայաստանի Հանրապետությունը շարունակում է հավատարիմ մնալ ԵԱՀԿ Մինսկի խմբի շրջանակներում Լեռնային Ղարաբաղի հիմնախնդրի խաղաղ կարգավորման սկզբունքին և պատրաստ է հետայսու ևս շարունակել բանակցությունները Ադրբեջանի հետ` չնայած Ադրբեջանի իշխանությունների կողմից շարունականան ռազմատենչ հայտարարություններին և հայ սպա Գուրգեն Մարգարյանին կացնահարած Ռամիլ Սաֆարովին հերոսացնելու խայտառակ և բացահայտ գործարքին: Անդրադարձ է կատարվել նաև ՀՀ-ի` Իրանի և Վրաստանի հետ հարաբերությունների ներկա մակարդակին և զարգացման հեռանկարներին: Հանդիպման ընթացքում պայմանավորվածություն է ձեռք բերվել ՀՀ Ազգային անվտանգության խորհրդի և Ավստրիայի Հանրապետության Անվտանգության խորհրդի միջև գործընկերային կապեր հաստատելու մասին: ԱԱԽ քարտուղարը շնորհակալություն է հայտնել Ավստրիայի Հանրապետություն այցելելու հրավերի համար և հույս հայտնել, որ այցի ընթացքում գործնական կապեր կհաստատվեն երկու երկրների Անվտանգության խորհուրդների միջև: Հանդիպման վերջում դեսպանը շնորհակալություն է հայտնել ջերմ ընդունելության համար և խոստացել ջանքեր գործադրել Հայաստանի և Ավստրիայի միջև փոխհարաբերությունների ամրապնդման և խորացման գործում:   Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Վերջին լուրեր Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք  Կիրանցեցիները փակել են Հայաստան–Վրաստան միջպետական ճանապարհըԻդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ«Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |
