ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐՈՒՄ ԽՆԴԻՐՆԵՐ ՉԿԱ28 ապրիլի 2005 - 13:52 AMT PanARMENIAN.Net - Վրաստանի եւ Հայաստանի խորհրդարանների պատգամավորները քննարկել են երկկողմ եւ տարածաշրջանային մակարդակում խորհրդարանական համագործակցության հեռանկարները: Այսօր Վրաստանի խորհրդարանում կայացել է Վրաստանի եւ Հայաստանի խորհրդարանների պատվիրակությունների հանդիպումը` Վրաստանի խորհրդարանի նախագահ Նինո Բուրջանաձեի եւ այցով Թբիլիսի ժամանած Հայաստանի Ազգային ժողովի նախագահ Արթուր Բաղդասարյանի ղեկավարությամբ, տեղեկացնում է «Նովոստի-Գռուզիա» լրատվական գործակալությունը: Հանդիպման ընթացքում Բուրջանաձեն նշել է, որ հայ-վրացական հարաբերություններում խնդիրներ չկա: «Կան հարցեր, որոնք սովորաբար քննարկվում են տարբեր ձեւաչափերում»,- ասել նա` վստահություն հայտնելով, որ Արթուր Բաղդասարյանի այցը Թբիլիսի կնպաստի հայ-վրացական հարաբերությունների խորացմանը: Ա.Բաղդասարյանն իր հերթին արտահայտվել է հայ-վրացական միջխորհրդարանական հանձնաժողովի աշխատանքի վերսկսման օգտին, որը խզվել էր շուրջ երկու տարի առաջ: Բուրջանաձեն պաշտպանել է այդ նախաձեռնությունը` տեղեկացնելով, որ Վրաստանի խորհրդարանում գործում է Հայաստանի հետ բարեկամության խումբ, որը գլխավորում է պատգամավոր Բեսո Ջուգելին եւ խոստացել է քննարկել միջխորհրդարանկան հանձնաժողովի ստեղծման մասին հարցը վրացական կողմի հետ: Ն.Բուրջանաձեն հանդիպմանը նշել է այն դրականը, որ տարբեր միջազգային համաժողովներում տարբեր հարցերի առնչությամբ վրացական եւ հայկական կողմերի դիրքորոշումները համընկել են: «Ես կարծում եմ` մենք պետք է էլ ավելի ամրապնդենք պետականությունը, սահմանապահ ինստիտուտները, մեծագույնս ներդաշնակեցնենք օրենսդրությունը, որպեսզի տարածաշրջանում ստեղծվի նորմալ իրավական դաշտ` համագործակցության զարգացման համար: Դա այն ուղղությունն է, որտեղ խորհրդարանական համագործակցությունը լրջորեն օժանդակություն կցուցաբերի»,- հայտարարել է Բուրջանաձեն: Հայաստանի Ազգային ժողովի նախագահն իր հերթին առաջադրել է Հարավային Կովկասի երկրների Միջխորհրդարանական վեհաժողովի ստեղծման հարցը: «Հայաստանը հանդես է եկել Հարավային Կովկասի երկրների միջխորհրդարանական վեհաժողովի ստեղծման նախաձեռնությամբ եւ մենք ցանկանում ենք, որպեսզի Վրաստանը աջակցի այն: Հնարավոր է, որ մի քանի տարի անց այդ նախաձեռնությունը կհաջողվի իրականացնել»,- հայտարարել է Բաղդասարյանը: Ընդսմին նա կարծիք է հայտնել, որ «հնարավոր է ադրբեջանական կողմը փորձի արգելակել այդ նախաձեռնության իրականացումը, սակայն հույս ունեմ, որ միջազգային կազմակերպությունները եւ համշխաարհային հանրությունը հանդես կգան դրա աջակցությամբ»: Ն. Բուրջանաձեն նշել է, որ հանդիպմանը ներկա գտնվող բոլոր վրացի պատգամավորներն աջակցում են վեհաժողովի ստեղծման գաղափարը հնչելու առաջին իսկ պահից: «Հաշվի առնելով մերձբալթյան երկրների փորձը, որոնք չնայած տարբերությանը, կարողացել են ընդհանուր լեզու գտնել եւ ստեղծել միջխորհրդարանական վեհաժողով, մենք պաշտպանում ենք նախաձեռնությունը: Եվ ես ավելի քան վստահ եմ , որ եթե մենք կարողանանք ստեղծել նման միասնական վեհաժողով եւ կլինի համաժողով, որտեղ մենք կքննարկենք ամենաբարդ խնդիրներ, ապա դա կլինի միայն ի բարօրություն մեր երկրների: Ես կարծում եմ, որ այդ ուղղությամբ մենք պետք է լրջորեն աշխատենք»,- հայտարարել է Բուրջանաձեն: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |