  ՀՀ ՎԱՐՉԱՊԵՏԸ ՀՐԱՎԻՐԵԼ Է ԻՐ ԲԵԼԱՌՈՒՍ ԳՈՐԾԸՆԿԵՐՈՋԸ ՀԱՅԱՍՏԱՆ 4 մայիսի 2005 - 10:23 AMT PanARMENIAN.Net - Հայաստանի վարչապետ Անդրանիկ Մարգարյանի եւ Բելառուսի վարչապետ Սերգեյ Սիդորսկին գոհունակություն են հայտնել հայ-բելառուսական հարաբերությունների ներկայիս մակարդակով` իրենց պատրաստակամությունը հայտնելով շարունակելու եւ ավելի խորացնելու այն, հաղորդել է ՀՀ կառավարության մամլո ծառայությունը: Բելառուսի իր գործընկերոջ հետ Մինսկում ունեցած հանդիպման ժամանակ Հայաստանի վարչապետը նշել է, որ երկու երկրների նախագահների միջեւ առկա ջերմ հարաբերությունները նպաստում են երկկողմ գործակցությանը: Իր հերթին Բելառուսի վարչապետը գոհունակություն է հայտնել նաեւ, որ երկու երկրների միջեւ բարձր մակարդակի փոխայցելությունները կրում են կանոնավոր բնույթ, որոնց ընթացքում քննարկվում են տաբեր ոլորտներում համագործակցության հարցեր: Զրուցակիցները նշել են վերջին շրջանում փոխգործակցության ակտիվացումը հատկապես տնտեսական ոլորտում: Վարչապետների համոզմամբ, Հայաստանի եւ Բելառուսի միջեւ ապրանքաշրջանառության աճին մեծապես նպաստել է 1999թ. ստեղծված Տնտեսական համագործակցության հարցերով հայ-բելառուսական միջկառավարական հանձնաժողովի արդյունավետ աշխատանքը: Միաժամանակ, կողմերը ընդգծել են, որ չնայած ապրանքաշրջանառության աճի բարձր տեմպերին, դրա ծավալները գոհացնել չեն կարող եւ ընդգծել են այդ ոլորտում դեռեւս առկա համագործակցության զգալի ներուժի արդյունավետ օգտագործման անհրաժեշտությունը: Անդրանիկ Մարգարյանը եւ Սերգեյ Սիդորսկին այդ նպատակին ուղղված գործնական քայլերի թվում կարեւորել են երկու երկրների գործարար շրջանակների միջեւ ուղղակի կապերի ու շփումների ակտիվացումը: Տնտեսական ոլորտում հայ-բելառուսական համագործակցության հաջողված օրինակներից համարելով Հայաստանի կողմից վերջին երկու տարիների ընթացքում մոտ 4 մլն ԱՄՆ դոլար ընդհանուր արժողությամբ 30 «ԲելԱԶ» մակնիշի բեռնատարների ներմուծումը: Այդ կապակցությամբ Անդրանիկ Մարգարյանն առաջարկել է զրուցակցին` հնարավորինս աջակցել Հայաստանում շահագործվող այդ մեքենաների համար պահեստամասերի առաջնահերթ եւ ժամանակին տրամադրման հարցում: Մարգարայանը շնորհակալություն է հայտնել ջերմ ընդունելության համար եւ հրավիրել է Բելառուսի վարչապետին այցելել Հայաստան:   Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Վերջին լուրեր Կիրանցեցիները փակել են Ոսկեպար տանող ճանապարհը  Նրանք նշել են, որ հաշվի չեն առնվել իրենց դիտարկումներըՌԴ ԱԳՆ․ ՀՀ կողմից ՀԱՊԿ–ի ֆինանսավորման դադարեցումը ողբերգություն չէ Նա հավելել է, որ կազմակերպությունը շարունակում է աշխատանքըPorsche 911 մոդելի առաջին հիբրիդային տարբերակի մշակումը հաջողությամբ ավարտվել է Համաշխարհային պրեմիերան՝ մայիսի 28-ինՓարիզը մեղադրել է Ադրբեջանին Նոր Կալեդոնիայում անկարգություններին միջամտելու մեջ՝ «գործարք են կնքել» «Ինչ վերաբերում է Ադրբեջանին, ապա դրանք ֆանտազիաներ չեն, դա իրողություն է»,–ասել Ֆրանսիայի ՆԳ նախարարը |
