Հրանտ Բագրատյանն ու Րաֆֆի Հովհաննիսյանն ընտրություններից հետո. Ո՞վ որ դերում է լինելու31 հունվարի 2013 - 15:45 AMT PanARMENIAN.Net - Նախագահական ընտրությունները դեռ չավարտված և արդյունքները չամփոփված` ամենաակտիվ քննարկվող թեմաներից մեկն այն է, թե նոր կառավարություն ձևավորելիս Սերժ Սարգսյանը ինչ-որ պաշտոններ է առաջարկելու նախագահի թեկնածուներ Հրանտ Բագրատյանին և Րաֆֆի Հովհաննիսյանին: Մամուլում տարածված նոր տեղեկությունների համաձայն` վերջերս իշխանական ետնաբեմում ակտիվացել են խոսակցությունները «ազգային համաձայնության կառավարություն» ստեղծելու շուրջ: Ըստ որի` ընտրություններից հետո Սերժ Սարգսյանը ձևավորելու է կառավարություն, որում ներկայացված են լինելու նաև բարձր ձայներ ստացած թեկնածուները. մասնավորապես, Րաֆֆի Հովհաննիսյանին նախատեսում են առաջարկել արտգործնախարարի, իսկ Հրանտ Բագրատյանին` էկոնոմիկայի նախարարի պաշտոնները: Հրանտ Բագրատյանի մամուլի խոսնակ Կարինե Հարությունյանը PanARMENIAN.Net ի թղթակցի հետ զրույցում նկատեց, որ Հրանտ Բագրատյանը կարող էր վարչապետի կամ մեկ այլ պաշտոն ստանալ առանց ընտրություններում առաջադրվելու: «Հրանտ Բագրատյանը հաղթող թեկնածու է, նրա ողջ թիմը աշխատում է միմիայն այս ուղղությամբ և մենք զանազան պաշտոնների հարց չենք քննարկում: Նման հարցը Հրանտ Բագրատյանի դեպքում բոլորովին տեղին չէ, քանի որ նա և իր թիմը բազմիցս առիթ են ունեցել ասելու, որ Հրանտ Բագրատյանը նախագահական ընտրություններում առաջադրվել է միմիայն նախագահ ընտրվելու նպատակով: Մեր թեկնածուն հրապարակել է մի հզոր ծրագիր` «Ընդամենը 100 քայլ մինչև սոցիալական արդարություն», որում արտացոլված է մեր երկիրը այս թշվառ վիճակից հանելու իր տեսլականը: Սա կարող է իրականանալ միայն իր նախագահ ընտրվելու պարագայում»,- պարզաբանեց Կարինե Հարությունյանը: «Ժառանգություն» կուսակցության առաջնորդ, ՀՀ նախագահի թեկնածու Րաֆֆի Հովհաննիսյանի մամուլի խոսնակ Հովսեփ Խուրշուրդյանն այդ հարցի քննարկումը համարեց անիմաստ: «Փետրվարի 18-ից հետո Րաֆֆի Հովհաննիսյանն է նշանակելու ՀՀ արտգործնախարարին: Նա ընտրվելու է նախագահ»,- PanARMENIAN.Net ի թղթակցի հետ զրույցում ասաց թեկնածուի մամուլի խոսնակը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |