Աշնանը Երևանում կսկսի գործել Արդարադատության ակադեմիան 1 փետրվարի 2013 - 16:20 AMT PanARMENIAN.Net - Փետրվարի 1-ին ՀՀ Ազգային ժողովի պետական-իրավական հարցերի մշտական հանձնաժողովը Դավիթ Հարությունյանի նախագահությամբ քննարկեց և ԱԺ գարնանային, ինչպես նաև՝ առաջիկա քառօրյա նիստերի օրակարգերի նախագծերում ընդգրկվելու համար դրական եզրակացություն տվեց մի շարք օրինագծերի: ՀՀ գլխավոր դատախազի տեղակալ Մնացական Սարգսյանը քննարկման ներկայացրեց «ՀՀ քրեական օրենսգրքում լրացումներ կատարելու մասին» և մի խումբ այլ օրենքներում փոփոխություններ կատարելու մասին օրինագծերի փաթեթը, որով առաջարկվում է համապատասխանեցնել ՀՀ քրեական, քաղաքացիական ու վարչական օրենսգրքերի որոշ հոդվածներ և քրեական օրենսգրքի 349-րդ հոդվածով քրեական պատասխանատվություն նախատեսել ոչ միայն քրեական և քաղաքացիական, այլ նաև՝ վարչական գործով ապացույցները կեղծելու համար: Առաջարկվում է նաև համապատասխանեցնել հիշյալ օրենսգրքերում օգտագործվող հասկացությունները և վերացնել բազմազանությունը: ՀՀ արդարադատության նախարար Հրայր Թովմասյանը պատգամավորների քննարկմանը ներկայացրեց «Արդարադատության ակադեմիայի մասին» օրինագիծը և կից օրենսդրական փաթեթը, նշելով, որ 2500 քմ մակերեսով նորաստեղծ ակադեմիան նախատեսվում է շահագործման հանձնել աշնանը: Նախարարի խոսքով՝ մեկ կառույցում դատավորների և դատախազների համար կազմակերպվող ուսումնառությունը կնպաստի ռեսուրսների արդյունավետ կառավարմանը, դատական և դատախազական համակարգերի մասնագիտական մերձեցմանը: «Հանրային ծառայությունների համարանիշի մասին» ՀՀ օրենքում փոփոխություններ և լրացումներ կատարելու մասին» օրինագիծը քննարկման ներկայացրեց ՀՀ ոստիկանության պետի տեղակալ Արթուր Օսիկյանը: Նա տեղեկացրեց, որ մինչ «Հանրային ծառայությունների համարանիշի մասին» ՀՀ օրենքն ուժի մեջ մտնելը՝ ընդունվել և մինչ այժմ գործում են բազմաթիվ իրավական ակտեր, որոնցում կիրառվում է «սոցիալական ապահովության քարտ» հասկացությունը: Քննարկվող օրինագծի համապատասխան դրույթով նախատեսվում է, որ այն դեպքերում, երբ քաղաքացիների իրավունքների իրացման համար պահանջվում է սոցիալական ապահովության քարտի կիրառություն, քաղաքացին կարող է ներկայացնել իր հանրային ծառայությունների համարանիշը: ՀՀ արդարադատության նախարար Հրայր Թովմասյանը քննարկման ներկայացրեց նաև «Դատախազության մասին» ՀՀ օրենքում փոփոխություն կատարելու մասին» և «Հատուկ քննչական ծառայության մասին» ՀՀ օրենքում փոփոխություն կատարելու մասին» օրինագծերը, որոնցում նախատեսվող փոփոխությունները վերաբերում են նշված համակարգերում համազգեստ կրելու պարտադիր լինելուն: Մասնավորապես՝ առաջարկվում է համազգեստի կրումը պարտադիր դարձնել ոչ միայն կենտրոնական դատախազությունում և կայազորների զինվորական դատախազություններում պաշտոն զբաղեցնող դատախազների, ինչպես ներկայում է, այլ նաև բոլոր դատախազների ու հատուկ քննչական ծառայության ծառայողների համար: Հանձնաժողովի նիստի օրակարգում ընդգրկված մի շարք օրինագծերի քննարկումը հեղինակների առաջարկով հետաձգվեց, հայտնում է ԱԺ մամլո ծառայությունը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |