ՀՅԴ-ն ճանապարհային քարտեզ է առաջարկում19 մարտի 2013 - 19:07 AMT PanARMENIAN.Net - Նախագահական ընտրություններից հետո երկրում ստեղծված իրավիճակը պահանջում է հանգուցալուծում, կարծում է ԱԺ ՀՅԴ խմբակցության պատգամավոր Աղվան Վարդանյանը: ԱԺ հայտարարությունների ժամին նա նշեց, որ ուլտիմատումը, դիմակայության սրումը, զիջումների չգնալու արտահայտությունները որևէ տեղ չեն տանելու, ավելի են խորացնելու հասարակության, իշխանության և քաղաքական ուժերի միջև անջրպետը: Աղվան Վարդանյանը կարծում է, որ պարտք և պատասխանատվություն ունեն բոլորը` թե իշխանությունը, թե ընդդիմությունը, և այդ պարտքից և պատասխանատվությունից խուսափել չի լինի: «Մենք մեր երկրի ներսում թշնամիներ չունենք, տարաձայնություններ, տարբերություններ, այո, կան, բայց ոչ երբեք թշնամանք, և միայն քաղաքական համաձայնությամբ է հնարավոր փոխել այս իրավիճակը: Կարծում ենք` դրա համար հիմքեր կան, եթե բոլոր կողմերն իսկապես կոնստրուկտիվ են տրամադրված: Մենք ունենք մեր ճանապարհային քարտեզը և կարծում ենք, որ կարելի է այդ ճանապարհով առաջ գնալ»,- ասաց Աղվան Վարդանյանը: ՀՅԴ ճանապարհային քարտեզը ենթադրում է մեկ տարվա ընթացքում արմատապես փոխել Ընտրական օրենսգիրքը, անցնել 100 տոկոսանոց համամասնական ընտրակարգի, բացառել կրկնակի քվեարկությունները, հրապարակել ցուցակները, 2-2,5 տարվա ընթացքում անցկացնել սահմանադրական հանրաքվե, փոխել Սահմանադրությունը, գնալ նոր խորհրդարանական ընտրությունների և ձևավորել ընդդիմություն-իշխանություն միասնական համակարգ, երբ ընդդիմությունը կունենա իշխանությանը վերահսկելու գործուն լիազորություններ: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |