 Ր.Հովհաննիսյանը նամակը դրել է ծրարի մեջ, վրան գրել` Րաֆֆի Հովհաննիսյանից պարոն Սերժ Սարգսյանին  22 մարտի 2013 - 18:59 AMTPanARMENIAN.Net - Քիչ առաջ Ազատության հրապարակում սկսվեց արդեն 12 օր հացադուլի մեջ գտնվող «Ժառանգություն» կուսակցության առաջնորդ Րաֆֆի Հովհաննիսյանի հանրահավաքը և միանգամից միջադեպ է տեղի ունեցավ: Երևանի փոխոստիկանապետ Վալերի Օսիպյանը պնդեց, որ հանրահավաքի մասնակիցները, Հ.Թումանյանի արձանի վրա նարնջագույն պաստառ փակցնելով, փչացնում են պատմամշակությաին արժեքները և օրենք են խախտում: Րաֆֆի Հովհաննիսյանը հակադարձեց` այդ իրենք են փետրվարի 18-ին օրենք խախտել` անտեսելով ժողովրդի քվեն: Փոխոստիկանապետը պատասխանել է.«Դուք արդեն ուրիշ բաներ եք խոսում»: Րաֆֆի Հովհաննիսյանը հայտարարեց, որ մեկ ժամից կլուծի այդ հարցը, բայց եթե մինչ այդ ոստիկանությունը գնա այնտեղ, ապա ինքը պահանջելու է, որ իրեն ենթարկեն պատասխանատվության: Ու հանրահավաքը մեկնարկեց: Րաֆֆի Հովհաննիսյանը հավաքվածներին տեղեկացրեց, որ հանրահավաքը մեկ ժամ է տևելու` կարճ, կտրուկ և դիպուկ ելույթներ են լինելու և հենց ինքն էլ սկսեց ու անդրադարձավ Սերժ Սարգսյանի հետ շփումներին, ասելով`շատ լավ է, որ նրանք բացեցին իրենց հանդիպման բովանդակությունը.«Որովհետև իմ ուզածը հենց դա է՝ բաց, հրապարակային, ժողովրդի աչքի առաջ»,- ասաց Րաֆֆի Հովհաննիսյանը: Նա հայտարարեց նաև, որ կընթերցի այն նամակը, որը հղելու է Սերժ Սարգսյանին: Րաֆֆի Հովհաննիսյանը 2 առաջարկ է արել. «Այբ. Նախագահական արտահերթ նոր ընտրությունների անցկացում, կամ բեն. Առաջին-արտահերթ խորհրդարանական ընտրություններ այս տարվա ընթացքում, մինչ այդ ընտրական օրենսգրքում իրականացնել փոփոխություններ, վերացնել մեծամասնական ընտրակարգը եւ թողնել բացառապես համամասնականը»: Րաֆֆի Հովհաննիսյանը նաև նշեց, որ պետք է ապահովի ընտրողների ցուցակների հրապարակումը, ընտրական հանձնաժողովների կուսակցական կազմավորման մեխանիզմը: «Երկրորդ, առնվազն հինգ մարզպետների ազատում աշխատանքից և այդ պաշտոններում ժողովրդի, հանձին Րաֆֆի Հովհաննիսյանի ներկայացրած մարդկանց նշանակում: Երրորդ, հիմնական ընտրակեղծարար քաղաքապետերի և գյուղապետերի ազատում աշխատանքից, օգտագործելով կառավարության լիազորությունները: Չորրորդ, բոլոր ընտրակեղծարարների, առանց բացառության, այդ թվում քաղաքապետերի, մարզպետների, կուսակցական պաշտոնյաների, այլ պաշտոնյաների ենթարկում քրեական պատասխանատվության; Հինգերորդ, կառավարության և ծառայությունների թվից հետևյալ ոլորտների ղեկավարներ նշանակել ժողովրդի՝ հանձին Հովհաննիսյանի ներկայացրած անձանց՝ առաջին՝ ՀՀ գլխավոր դատախազություն, երկրորդ՝ հարկային և մաքսային պետական ծառայություն, երրորդ՝ ազգային անվտանգության ծառայություն, չորրորդ՝ արտաքին գործերի նախարարություն, հինգերորդ՝ կրթության և գիտության նախարարություն, վեցերորդ՝ վերստուգիչ պալատ, յոթերորդ՝ արդարադատության խորհուրդ, ութերորդ՝ հակակոռուպցիոն հանձնաժողով», - հայտարարեց Րաֆֆի Հովհաննիսյանը: Նա նշեց, որ այս պայմանագիրը անբաժանելի է, ենթակա է երկուստեք ստորագրման, իսկ դրանում ամրագրված դրույթներն անբեկանելի են մինչև խորհրդարանական ընտրությունների ավարտը:   Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Վերջին լուրեր Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք  Կիրանցեցիները փակել են Հայաստան–Վրաստան միջպետական ճանապարհըԻդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ«Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |
