ՕԵԿ պատգամավոր. Տարոն Մարգարյանը սրտացավ է, իսկ «Հայռուսգազարդի» շահույթի հարցը պետք է վերանայվի27 մարտի 2013 - 16:02 AMT PanARMENIAN.Net - «Օրինաց երկիր» կուսակցությունը դիմել է Հանրային ծառայությունները կարգավորող հանձնաժողովին` պահանջելով վերանայել «Հայռուսգազարդ» ընկերության գազի ներկրման ու մատակարարման շահույթի հարցը: Այս մասին այսօր ասուլիսի ժամանակ ասել է ԱԺ ՕԵԿ խմբակցության պատգամավոր Հովհաննես Մարգարյանը: «Մենք պահանջել ենք, որ շահույթը հասնի 3-5 տոկոսի` 10 տոկոսի փոխարեն: Որքան նվազի շահույթը, այնքան այն կազդի գազի գնի նվազման վրա»,- նշել է պատգամավորն ու ավելացրել, որ տարեցտարի նկատվում է բաժանորդների թվի աճ, ինչը նույնպես պետք է ազդի գնի նվազման վրա: Նրա խոսքով միջազգային փորձը ցույց է տալիս, որ գազի սակագինը ներառում է նաև սպասարկման վարձը, իսկ մեզ մոտ հայ սպառողը վճարում է նաև սպասարկման գումար: Դժգոհություններ կան նաև գազի որակի վերաբերյալ, սակայն Հանրային ծառայությունները կարգավորող հանձնաժողովից պատասխանել են, որ նախորդ տարիների համեմատ հնարավոր չէ գազի որակի վատացում: Տեղեկացրել են նաև, որ ընթացիկ տարում գազի գնի բարձրացում չի սպասվում, իսկ շահույթի հարցը կքննարկվի: Ներկայում Հայաստանին գազը, ըստ պաշտոնական տվյալների, «Գազպրոմը» մատակարարում է 1000 խորանարդ մետրը 180 դոլար սակագնով: ՕԵԿ պատգամավորն անդրադարձել է կուսակցության համար հետաքրքիր մյուս թեմային` Երևանի ավագանու առաջիկա ընտրություններին ու նշել, որ ինքն ու ՕԵԿ մյուս անդամները գնահատում են Երևանի ներկայիս քաղաքապետի աշխատանքը, նրան համարում են սրտացավ քաղաքապետ: «Տարոն Մարգարյանն իր գործին նվիրված է եղել դեռ թաղապետի պաշտոնավարման ժամանակ, իսկ նրա բացթողումների մասին խոսելը ես կոռեկտ չեմ համարում»,- ասել է Հովհաննես Մարգարյանը, ով մրցակցությունը տեսնում է ոչ թե ՀՀԿ-ի և ՕԵԿ-ի, այլ բոլոր քաղաքական ուժերի միջև: «Այս հարցում որևէ մեկին առանձնացնել չեմ ցանկանում, քանի որ բոլորը ձգտում են հաղթել, այդ թվում նաև` մենք»,- ասել է նա: ՕԵԿ-ը Երևանի ավագանու ընտրությունների քարոզարշավի համար այժմ նախապատրաստական աշխատանքներ է իրականացնում, իսկ մշակված ծրագրերի հիմնական դրույթը կներկայացնեն սահմանված ժամկետի շրջանակներում: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «ՍոֆթԿոնստրակտ»-ը մասնակցել է Career City Fest 2K24 լավագույն գործատուների փառատոնին Ձեռք են բերվել և՛ աշխատանքային, և՛ կորպորատիվ փոխգործակցության պայմանավորվածություններ Անհնազանդության ակցիաների 12 մասնակից է բերման ենթարկվել 8 մարդ ձերբակալվել է Երևանում, 4–ը՝ Վայոց ձորում Բագրատ սրբազան․ Վարչապետի թեկնածու լինելու հավակնություն չունեմ Նա նաև ասել է, որ երկքաղաքացի է և երբևէ դա չի թաքցրել Կոնջորյան. Չի ստացվելու զավթել իշխանությունը, անկախ նրանից՝ ինչ տեսքով կգան՝ մի օր փողկապով, մի օր վեղարով Նա ասել է, որ իրենք ժողովրդի տված մանդատով ձևավորված մեծասմանություն են |