Ավագանու ՀԱԿ թեկնածու. Այս ընտրություններում վախի մթնոլորտը ավելի շատ է 17 ապրիլի 2013 - 15:14 AMT PanARMENIAN.Net - Երևանի ավագանու ընտրություններին հիմնական շեշտադրումները երկուսն են՝ քաղաքական և քաղաքային տնտեսությանը վերաբերող հարցեր, ասում է ՀԱԿ ցուցակը գլխավորող Վահագն Խաչատրյանը: Այսօր լրագրողների հետ հանդիպման ժամանակ նա ասաց, որ կողմնակից է, որ սա գնահատեն որպես քաղաքական ընտրություն` հաշվի առնելով Երևանի դերը ամբողջ հանրապետությունում: «Համոզված ենք, որ Հայաստանում ինչպիսի ընտություններ էլ լինեն, հաջողության չենք հասնի, եթե կառավարման համակարգը չի փոխվում»,- ասաց նա: Վահագն Խաչատրյանը հայտարարեց, որ իշխանությունն օգտագործում է իր ամբողջ վարչական ռեսուրսը: Ըստ ՀԱԿ թեկնածուի` այս ընտրություններում վախի մթնոլորտը ավելի շատ է, ազդեցությունը քաղաքացիների վրա` անմիջական: «Մենք պատրաստ ենք և պատրաստ էինք, որ իշխանությունը այս մեթոդներով է գործելու, շատ լավ հասկանում ենք, թե իշխանության համար ինչ է նշանակում Երևանի ավագանին և Երևանի քաղաքապետի պաշտոնը, հետևաբար՝ իշխանությունն ամեն ինչ պետք է անի, որ այս քաղաքական պայքարում հաղթի»,- ասաց նա: Վահագն Խաչատրյանը կարծում է. որ իշխանության հաղթանակի հաջողությունը կախված է ընդդիմադիր ուժերի մասնակցության ձևից և համագործակցությունից: «Մենք հնարավորություն ունենք չորս ուժերով, նույնիսկ այս կառավարման համակարգի պայմաններում, հաղթել»,- ասաց նա և ընդգծեց, որ ընտրություններին ընդդիմադիր ուժերը պատրասատակամություն ունեն համագործակցել ընտրական ընթացքը վերահսկելու համար: Քննարկումները, նրա խոսքով, ընթանում են ոչ միայն նախընտրական համագործակցության, այլև հետընտրական զարգացումների շուրջ, մասնավորապես՝ կոալիցիա կազմելու և քաղաքապետի պաշտոնը վերցնելու: Վահագն Խաչատրյանը թվարկեց Երևանում առկա մի շարք խնդիրներ՝ աղբահանություն, տրանսպորտ, կանաչ տարածքներ, ապօրինի շինություններ և այլն: Վահագն Խաչատրյանը նաև անդրադարձավ իր կառավարման տարիների թերություններին, իր հասցեին հնչող մեղադրանքներին և ասաց, որ իր ղեկավարած տարիներին ապօրինի սեփականաշնորհում չի եղել: «Քաղաքն այլ տրամաբանությամբ էր կառուցված, տնտեսությունը այլ ձևով պետք է ղեկավարվեր, բայց այդ տարիներին ստիպված էինք լրիվ այլ ձևով կառավարել»,- ասաց Վահագն Խաչատրյանը:   Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Վերջին լուրեր Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել»  Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև»Հունգարիայի ԱԳ նախարար. Պատրաստվում ենք ՀՀ և ԵՄ-ի միջև վիզաների ազատականացման երկխոսությունը սկսել Հուլիսի 1-ից Հունգարիան է ստանձնում ԵՄ նախագահությունը |
