Բ. Իվանիշվիլիի մամուլի ծառայություն. Վրաստանի վարչապետը Սոչիի օլիմպիադայի բացմանը մասնակցելու մասին հայտարարություն չի արել

PanARMENIAN.Net - Վրաստանի վարչապետի մամուլի ծառայությունը տեղեկություն չունի ԻՏԱՌ-ՏԱՍՍ-ի տարածած հաղորդագրություն մասին, որում նշում է, թե Բիձինա Իվանիշվիլին ներկա Է լինելու Սոչիի Օլիմպիադայի բացման արարողությանը: Այս մասին գրում է apsny.ge-ն:

«Այդ մասին մեզ ոչինչ հայտնի չԷ: Նման հայտարարություն վարչապետը ոչ մի տեղ չի արել»,-նշել են վարչապետի մամուլի ծառայությունում:

Ռուսական գործակալությունը մեջբերել Էր Վրաստանի Ազգային օլիմպիական կոմիտեի նախագահ Լերի Խաբելովի խոսքը, ով ասել Էր, որ, «նախնական տվյալներով՝ Վրաստանի վարչապետը կարող Է այցելել Խաղերի բացման արարողությանը»: Խալեբովը չԷր բացառել նաև, որ Բիձինա Իվանիշվիլին ներկա կլինի Սոչիի Օլիմպիադայի փակման արարողությանը ևս: Ինչպես արդեն հաղորդվել Է, Վրաստանի Ազգային օլիմպիական կոմիտեն երեկ է որոշում կայացրել Սոչի ձմեռային Օլիմպիադային երկրի մասնակցության մասին: Այդ որոշումն «ընդունվել Է Օլիմպիական խարտիայի հիման վրա, ելակետ ընդունելով միջազգային օլիմպիական շարժման միասնությունը եւ վրացական սպորտի շահերը»,- Վրաստանի ԱՕԿ-ի նստաշրջանում հայտարարել Է Լերի Խաբելովը:

Որոշումը կայացվել է միաձայն` առանց բացառության բոլոր ֆեդերացիաների ղեկավարները կողմ են եղել , Սոչիի Օլիմպիադային Վրաստանի մասնակցությանը` նշելով, որ Օլիմպիական խաղերի «բոյկոտը արդարացված չԷր լինի ո՛չ մարզական, ո՛չ Էլ քաղաքական առումով»:

ԱՕԿ-ի նիստին նախորդել էին Վրաստանի փոխվարչապետի, սպորտի հարցերով նախարարի և մի քանի օր առաջ էլ ԱԳ նախարարի հայտարարություններն այն մասին, որ «Վրաստանն անպայման Սոչիի օլիմպիադայի մասին որոշում կկայացնի»: Վրացական լարտվամիջոցը եզրակացնում է, որ ԱՕԿ-ի որոշում կարելի է համարել Բ.Իվանիշվիլիի գլխավորությամբ Վրսատանի գործող իշխանության ցանկությունների փաստաթղթային ձևակերպումը: